រឿង ♡ចាញ់កលស្នេហ៍ក្រមុំឆ្នាស់♡

រឿង : ចាញ់កលស្នេហ៍ក្រមុំឆ្នាស់

ភាគបញ្ចប់

     សូមអានដោយក្ដីរីករាយ

៤ខែកន្លងផុតទៅ...

ដំណឹងនៃពិធីរៀបអាពាហ៍ពិពាហ៍ របស់ជីមីន និងជុងយ៉ុន បានផ្សព្វផ្សាយចេញ នឹងមានការចាប់អារម្មណ៍យ៉ាងខ្លាំងពីសំណាក់មិត្តរួមជំនាន់ ព្រោះមិននឹកស្មានថាពួកគេទាំងពីរ អាចឈានដល់ដំណាក់កាលមួយនេះ ។

ពិធីរៀបការរៀបចំនៅសណ្ឋាគារដ៏ប្រណិត កូនកម្លោះកូនក្រមុំ ស្លៀកឈុតរៀបការ យ៉ាងស្រស់ស្អាត បរិយាយកាសនៅជុំវិញនោះ ពោពេញទៅដោយស្នាមញញឹម នឹងសំណើចក្អាកក្អាយ កូនកម្លោះ កូនក្រមុំបានទទួលការជូនពរ ពីសមាជិកគ្រួសារទាំងពីរ នឹងមិត្តភក្តិជិតស្និទ្ធផងដែរ។

នៅក្នុងពិធី ជីមីន ដឹកដៃកូនក្រមុំក្នុងឈុតពណ៍ស ដើរចូលក្នុងបន្ទប់កម្មវិធី ដែលនៅសងខាងផ្លូវ លម្អដោយផ្កាចម្រុះពណ៌ ចោលក្លិនក្រអូបសាយភាយ វាជាការរៀបចំឡើងតាមការតាំងចិត្តរបស់កូនកម្លោះ។ បន្ទាប់ពីឡើងលើវេទិកាអរគុណភ្ញៀវដែលមកចូលរួមហើយ ជីមីនក៏ដឹកដៃកូនក្រមុំទៅរាក់ទាក់មិត្តជិតស្និទ្ធផ្សេងទៀត ដែលកូនក្រមុំមិនធ្លាប់ស្គាល់ ហើយក៏ទទួលបានការនិយាយញ៉ោះពីបណ្ដាមិត្តសម្លាញ់។ ក្រោយពេលឃើញថ្ពាល់កូនក្រមុំចាប់ផ្តើមក្រហមព្រឿងៗ ក៏រឹតតែចំអន់បន្ថែម ដោយឲ្យជីមីន ថើបថ្ពាល់កូនក្រមដើម្បីបញ្ជាក់ពីក្ដីស្រឡាញ់ គ្រាន់តែឮបែបនោះ ថ្ពាល់របស់
ជុងយ៉ុន ក៏ក្លាយជាក្រហមងាំងតែម្ដង ទាក់ទាញសំឡេងសើចពេញចិត្តពីមិត្តគ្រប់គ្នា។

" ចូលរួមអបអរឯងផងណាសម្លាញ់ " អាយរីន សម្ដែងភាពរីករាយដោយស្នាមញញឹមបរិសុទ្ធ រហូតធ្វើឲ្យជុងយ៉ុន ញញឹមតបរួចងាកទៅនិយាយអរគុណមិត្តដែលឈរនៅក្បែរនោះដោយចិត្តស្មោះ។

" អរគុណឯងហើយណា ដែលមកចូលរួមមង្គលការរបស់យើង "

" ជីមីន លោកត្រូវមើលថែមិត្តរបស់ខ្ញុំឲ្យល្អដឹងទេ "

" បាទទាន " ជីមីន ញញឹមព្រមទាំងងក់ក្បាលតិចៗជាសញ្ញាទទួលសន្យា ថាគេនឹងមើលថែថ្នាក់ថ្នមស្រីតូចម្នាក់នេះ ឲ្យបានល្អជាទីបំផុត។