រឿង ♡ចាញ់កលស្នេហ៍ក្រមុំឆ្នាស់♡

រឿង : ចាញ់កលស្នេហ៍ក្រមឆ្នាស់

ភាគ៣៣+៣៤+៣៥

សូមអានដោយក្ដីរីករាយ

ខ្ញុំបានត្រឹមតែអេះអុញៗ មិនដឹងគួរឆ្លើយយ៉ាងម៉េចឲ្យវាត្រូវ ស្ដាប់ទៅឲ្យវាចូលត្រចៀក ស្របពេលនោះបងអ្នករត់តុក៏ចូលមកកាត់ចង្វាក់ល្មម បានឱកាសល្អ ខ្ញុំប្រញាប់គេចវេះ មិនឆ្លើយនឹងសំនួររបស់គេ ហើយក៏ធ្វើជាបបួលគេឲ្យញាំុការ៉េម ដើម្បីបង្វែងដាន កុំឲ្យគេគិតពីសំនួរអម្បាញ់មិញទៀត។

" wow!សំណព្វចិត្តខ្ញុំមកដល់ហើយ មើលចុះទំនងគួរឲ្យចង់ញាំុខ្លាំងណាស់ អូហូ, របស់លោកក៏គួរឲ្យចង់ញាំុដែរ ឆាប់ញាំុទៅប្រយ័ត្នរលាយអស់លែងឆ្ងាញ់ណា "

" តែនាងមិនទាន់ឆ្លើ... "

" អ្ហឹុមមមម,ផ្អែម!!!ឆ្ងាញ់ខ្លាំងណាស់លោក " គេនៅតែទូចចង់ឲ្យខ្ញុំឆ្លើយនឹងសំនួររបស់គេ តែសុំទោសផង ខ្ញុំមិនអាចឲ្យចម្លើយទៅលោកពេលនេះបានទេ ព្រោះខ្ញុំមិនទាន់ដឹងច្បាស់ផងថា លោកស្រឡាញ់ខ្ញុំពិតមែនឬមួយក៏អត់ ពាក្យចាស់លោកពោលថា ស្អប់ខ្លាំងស្រឡាញ់ក៏ខ្លាំង តែទោះជាបែបនោះក៏ដោយ ក៏ខ្ញុំមិនទាន់ជឿងាយៗដែរ គិតមើលទៅ ដែលមានមកពីណា មនុស្សដែលស្អប់គ្នាស្ទើតែហែកសាច់គ្នាសីុនេះហ្អេស អាចប្ដូរចិត្តមកស្រឡាញ់គ្នាបានត្រឹមមួយប៉ប្រិចភ្នែក ? វាមិនងាយពេកទេឬ? យ៉ាងណាក៏ខ្ញុំមិនជឿដែរ រឿងបែបនេះទាល់តែឆ្លងកាត់ការពិសោធន៍សិនទើបបាន។

" ណ្ហើយចុះ នាងញាំុការ៉េមសិនទៅ ចាំញាំុរួចចាំឆ្លើយក៏បាន " ស្អីគេ មិនទាន់បំភ្លេចរឿងនេះទៀតឬ? ហើុយ!ហត់នឹងគេចវេះណាស់។

" ចុះលោកមិនញាំុទេហ្អេស? ចង់Order យកមកទុកចោលឬយ៉ាងម៉េច ខ្ញុំស្ដាយលុយណា "

" អ្នកណាប្រាប់នាងថាខ្ញុំមិនញាំុ "

" អាវ~គឺមកពីខ្ញុំឃើញលោកអង្គុយស្ងៀមៗនោះអី "

" ខ្ញុំគ្រាន់តែចង់យកទូរស័ព្ទមកថតរូបវាទុកសិន ខ្ញុំឃើញថាគេតុបតែងការ៉េមនេះបានស្អាត "

" អ្ហ៎! " នាយ Chhimmy ក៏ស្រវាយកទូរស័ព្ទដៃរបស់គេនៅក្នុងកាតាបចេញមក ដើម្បីថតរូប ចំណែកខ្ញុំក៏ឈ្ងោកញាំុការ៉េមបន្ត ។