من بدا الصدوكَ وكلها ايام واصير ليعقوب
تخربط وضعي حالي حال اي بنت
جنت هالفتره محتاجه بشر يكَعد يدليني
يجرني من ايدي ع الطريق الصحيح
ليوم السبت الظهر چنت فوكَ بغرفتي اشيل الثعوله
واعزل عساس من تمرضت هديوه
بعد ما تعزلت غرفتي ولا ترتبت عبن هي جانت وراي وراي بس هساع وين هي ورا حمزه ونهارها كله
تخابر تسأل عنه
سمعت صوت عمتي رحمه تنادي بأسمي،
تركت البيدي ونزلت الها بعدني انزل سحبتني من ايدي ودخلنه غرفة امي
اش بيج عمه شكو، صاير شي
ردت
رحمه:
لا سلامتج حبيبه ضلي لازمه عده
وخلي الوادم تأكل بحقج يجكَه عزا بعيني
واني جنت الوم هداوه لو كَالت جاهله
نترت ايدها، اييي شكو غير افهم شكو بدون هالخرط كله
جرتني وكَعدنه قريب امي وبدت تحجي
رحمه:
انتو لا حددتو مهر ولا كَلتو شكثر الها ما صح
رديناها
اي صح ،وهساع شكو عمه
-جايتجن بالحجي، هاي العوجه (تقصد ابتهال)
هذاك كله اللي شريناه وعساس هي ترتبه بالغرف
ما صح
اهووو عمه اي صح دحجي عاد شكوو
-ولج عمه ماكو بالغرفه غير من كل ثلاث اربع
حاجات شغله كله موزعته ع بنات اخوتها وع بنياتها
وحتى لزوجة ادهم التكرها ناطيتها كومه
امي استغفرت ربها وردت ع عمتي
-اكَولج خيه حسافه ما كله اش نسوي نحن اذا هن عدهن هيج قابليه الله وكيلج مالي خلكَ احجي حتى وي حلاوه الله يسلمج خلي تفض ع خير واخلص
ردتها عمتي
-هي شنو هداوه صدوكَ چذب وتضيعين حكَ هالجاهله هذا حكَها ترا وبعدين الزلمه لسهاع ع يكَول شتريد بس خ تكَول وبنتج ساكته ادري دحجي يحظي اش بيج
اردفت بضجر
عمه اش سوي اني حتى روحي كارهتها حسافه ما حتى يعقوب يوزعنه اش دخلني اني نفسيتهن متقبله
-ترا هذا كله عناد بيج خايبه عبن ما سمعتي كلامها
وهي من طلعت من عدنا متحزمه اكَلج لا تكَعدين
بسالفة الكسوف مالتج كَومي وياي شو كَومي
شكو عمه وين اروح وياج
ام ابراهيم:
رحمه يمعوده ما بينا حيل مشاكل تكفي شر حلاوه ما اريد افتح عيونها انتِ تعرفين عرامتها
رحمه:
والله كل عرامتها وما تكَايش العوجه
وكَولي كَالت رحمه، هساع دحكَني هذيج الثعوله
الجهزنها والدشاديش الخيطتها عساس خلنهن ع كَلوبهن واني رايحه ليعقوب كلام بيني وبينه
