من النور الى الضلام

الثامن والعشرون

عمتي رحمه بوراي طلعت اكلت راسي اكل

-ومحمد تخزيت وتمنيت الارض تنشكَ وتبلعني
تمام ارفضي بس ما تضحكين حلاوه تصرفاتج مالت مخابيل والله شاهد

نترت بيها

ومنو كَال اني صاحيه هااا منو كَال..... هههههههه
ع تدحكَين اللي تاب وعرف الله وحس بحاله ضالمني بلله اصدكَ اطلع خبله بصدوكَ

كَعدت وهدى بلشت تتنعوص ع ادهم المطي لزكَت
وهي تسحب بحالها مني وتردد بببابا بابا
هي هالكلمتين ما تعرف وتلفضهم بتقطع الواحد بودا ياكلها

هي تشاهكَ واني ابوس بيها بكل قوتي

-عمى عمى نجنت افترست البنت ولج ولج خررب
لا تعضين يااااا ولج حلاوه

تضرب بيا واني اعضض بهدى وهذي نكَلبت طماطه

قاطعنا ازهر كفخ ع راسي يضحك

-هذا العقيد مالتج شرف...

حجيت بلا مبالاه... اي واش اركَص لو افرش السجاده الحمراء

-والله لو مرتي اخخخخ اكَطع الحزام عليج

كَالها بضحك ورحيمه زكَرتا وزتت النعال عليه

-دضل عجل كل عمرك تحلم تتزوج 

طلع يضحك ويركض وهي تدردم عليه ما عاجبها
لتفت الي

حلاوه عمه عليج نور محمد اكَعدي مع زوجج لا ترجعين بس ع الاقل خلي يدحكَج ويدحكَ بنته

مااااااا اموت وما اطلع انسى ضربه الي والرب للموت ما انسى وهذي بنته خذيها اله

كَلتهم وهي تستغفر تدحكَني بطرف عينها
كَمت سحبت فراش الي فرشت وتغطيت واني احجي عليه
هي يالله كل يوم جاي كن ماكو شي بطران هالبشر بس لا عباله صدكَت سوالف ادهم

عمتي رحمه سحبت هدى تغم بيا وتدعي الله يعقلني ليش اش بيا خبله واملخ بحالي
صرخت كاااااافي
هي طبكَت الباب بوراها ما حجت حرف

اول مره اصرخ هشكل عليها بس نجنيت ع كثر ما رددوها خبله، ام عصافير، خبالوو

غمضت عيوني طفرت دمعتي
ضربت وجهي بقوه... ما تبچين خرب بيج كافي كافي

حاولت اغفى ما كَدرت بالاخص واني اسمع صوته
وهدى التكركر مالتها يطن بأذاني
مممم صار حنين اكثر من شهر وانتَ ماكو حاير بط***عفاف الكَ***

شهكَت... اش ع حجي سامحني يربي
كَعدت مرتبكه اعدل بشعري مهلوس بسبب هدى
دحكَت حالي بالمرايا...الوجه احمر عبن بارده وحصرت البچيه
مسحت خلقتي ورطبتها...مشطت شعري
اريد التهي عوووووع اش جابك هساع ابن... توني اغلط
هاي شكو اليوم اش بيا اني عمج ولج عمى بعينج
سحبت حجابي وتلفلفت
فتحت الباب بحذر كن حرامي
خطواتي مشت للاستقبال....البنات قسم ع يقرا وقسم بالمطبخ
فتحت الباب بهداوه جان كَاعد وفاتح رجلي محاوط
هدى بس ما معاها...لابس مدني والشعر
مبين ما محلق من فتره عبن نازله الكَذله السوده ع جبينه تهفي.. شحطت كَلبي