من النور الى الضلام

البارت السادس

حمزه :

يا بذات رحت مني وكَلتلك ترجع مبهذل
رجعت چف كَلبك مفطر مثل چف عمال
رغم ما راح يشبه خد المدلل
من يمتى العشكَ ينمل؟
دكَلولي العشكَ ينمل؟
ردتك مثل حلمي وحدي اشوفنك
لكن للجرح تندل لكَيتك ويه كلمن شين
تظحك واكَف مشچل
متعبني بثواني تغير الوانك
اكَلك طول بخلكَك تجيني مطول لسانك
صفنت عليك حد ما خضرت بيه
وصفنت عليه حتى تنيشن عليه
خليتك بعيني وچنت خايف حيل
واخافن لو دمع يأذيك ترف وتزلغك اميه
انه من چنت اخافن چنت اموت عليك
شسوي عليك هسه وميت البيه
...................................................................

اني لا جنت مشتهيه مشاكل

ولا بخاطري اسوي هشكل بس هي ما تركت مجال

جانت نهله ع تسألني عن المرطب اللي استخدمه
لجسمي وعاجبها

-يمعوده والرب رخيص شريته من صيدليه،
اني ما اعرف بس اذا تردينه اخذي والرب ما يغلى عليج
هي جانت مدري اش ع تسوي بالباب
وبعد نهله ما حجت وهي نكَزت

-اي طبعاََ بنت هداوه رخيص، ما هو الثور ابني
كل فلوسه الج ولامج

-عمه اش هالحجي والرب عدا الفلوس الجهزت بيهم
ما خذيت منه شي

-وعمى بعينج، اي خوما تكَولين اي اخذنه لا
انتن من جوا لجوا

بالبدايه استغفرت ربي ونهله تدحكَلي
وتأشر بعيونها اسكتي

-يعني هساع المطلوب اش هاااا غير افهم

-شوفي نهله شوفي من اكَولج ما تحترم وقليلة ادب
تلوميني

-اعتقد اني ما اقللل ادب وي بشر محترم حاله
انتِ تدورين المهانه لحالج

اني كَولت هيج لو نكَلب ستر الله
الحجي وعياطها وجانت مستفرده انو ماكو بشر
موجود كلمن بشغله ومدرسته

زتيت البيدي وطلعت من المطبخ
واردد
اني يجي اليوم تشوف يا اني يا انتِ
خلص جزعت روحي عوووووع منكم

هي همين سمعتني من حجيت هشكل
استغفر الله هالكثر كفرت وغلطت

شلت ملابسي ودخلت سبحت
ورجعت لغرفتي
انتظره يجي، يعني اش مستفاده اني
من لعبان النفس هذا ....

والرب حتى ع الغدا ما سمعت بشر فكَدني
چنت اكابر وما بچيت بس احس صدري
جمره بيه

لليل سمعت صوته هو وياها تلكَته من الباب
فتح الباب يدحكَني
ما حجه اتجه للكنتور يطلع ملابس اله

رجع همس

-شكو اليوم شبيج وياها

اني چنت مضطره اتملق واتبعت هذا الاسلوب
ما مني توصيات عمتي رحمه

تمشيت اله

همست يعقوب

-هفففففف، ليش البچي هساع ليش