آنه الخَليتني بـَلا لون
ششكيلك؟
آنه الكل ما أصفن، تِجي ببالي
وأغنيلك
عَن يَـاهي اسولفلك!
آنه المتعوب منك حيل..
شحجيلك!
......................................................................
ضليت ايام ع هذا الحال....ابراهيم اصلاََ صار
يتجاهلني وبنظره اني مسويه شي ما زين
وامي اخخخ يا امي
كَاعده وتندب بحظي ليل مع نهار... اررددد
يمه ما بيا شي والله ما بيا بس تعبانه شوي،ارتاح واني ارجع اكَلب البيت
تهز راسها بتحسف
-ابد ع تجذبين شوف اش عمل بيج...كَلبي لاعب يمه كَلبي نار والخلقج
حجتها وكَعدت تنوح ولا سكتت
اني بس ادحكَ اش اعمل حرت،،هساع اني قذره والرب قذره شنو رجعتج ع ذمتي ليش السالفه لعب كل شوي مطلقني ومرجعني
ونفرض كلامه صح...هالشيء ما يعطي الحق يغتصبني
بعد مرور اسبوع....
كَمت بس اش عضامي احسها ما عضام ع كَد الوجع الي بيها ع احسهها مطحونه كسر بأيدك
قررت وصممت ع قراري والله حتى لو رجع كَلبي يخفق ما ارجعلك حسيت حالي سلعه رخيصه وبمزاجه ها اشتهيتج...احبج ريحتج
عطرج
طلعت لامي كان الجو شوي كاسر وبلش الجو يبرد نهاية شهر العاشر
وكَفت ادحكَ شكلها مع هدى هي تصفكَ وهدى واكَفه مقابيلها تهز راسها يمنى ويسرى بتسمت ع المنظر الحلو
-هديوه اش حلاها ضفايررها بوراها واجا الخطاب يخطب وابوها ما نطاها
وهذي تهز براسها....جليت صوتي ودخلت اضحك
يمه يا كَصايب الي ع تحجين عنها دحكَي شعراتها
بالزور ينجمعون حجيتها وضحكت بقوه
سحبت هدى لحظنها وتتلمس بشعراتها
-عليج الله دحكَي بأش يذكرونج
غمضت عيوني بضوجه...اعرف يذكروني بحالي
بس ما غلطي ولا غلط بنتي
هذي وراثتكم تعالي دحكَي كل بنات خوالي ماكو شعر احمر بس اني شلون هيج هااا وبنتي ع كثر ما لسانج يلهكَ ليل مع نهار تطلع تشبه الي
صارنا ثنين...
-اكَولج ترا ما عيب اني ومنج احس حالي مميزه وشي يجذب
لا والله هالكلام جديد وسبيشل ها هداوه،،
دحكَتني صافنه بيا دموعها تلالي تكَربت الها واني اخذ كفوف اديها ببين اديا
نزلت دموعي ودنكَت بستهم
وشميتهم قوي....ما تحملت اكثر حضنتها وبلشت اناشغ
وهي ذات الشي تبوس براسي وترجع تمسح بدموعي
-لو اعرف هشكل رح يصير بيج يمه والله اموت وما اخلي يدنسج،
للحظه حسيت نكشفت،، زفرت نفس من كَالت
اخخ اخخ اش يرجع الايام ومحمد لو يضل يعقوب اخر زلمه بالكوكب ما انطيج لا والله
