من النور الى الضلام

البارت الخامس عشر

انه بكِل ليل
تخنگني مراسيلك
انه بكِل ليل
ياخذني الدمع بهداي وامشيلك!
انه بكِل ليلة
أسافرلك
وأشوفك من ورة الشباچ وابچيلك
والگة وياك
ذاك المايغنيلك!
والگة وياك
ذاك المايعُرف من تبرد يلوليك
جنت وياي
من تنام حتى عيوني أطفيلك
وارد متعوب
واگولن يمتى أشكيلك؟
......................................................................

اكثر شي ممكن يخوف الانسان هو يحس حاله عاجز
واني من چكة الابره احس عاجزه

وبسبب خوفي واني ادحكَ الدم وكَمت اتوجع بساع
هالشي أثر عليا ، صح بالعمليه ما اتألمت
ذاك الالم الا انو بس راح البنج عيوني صارت توجعني من كَد الالم

بحيث من الخوف اني اغمى عليا،،،

ما اعرف شكثر واني احس، وجهي عبالك صابته صعقه كهربائيه من الضرب
فتحت عيوني بألم، ولساني يردد ما اعرف بأش

عمتي رحمه مقابيلي، تبچي وصوت هديوه وهي تندب حظها عد راسي، بس سمعت حسها
روحي فرفحت وبديت اصارخ بدون وعي والرب حسيت ع اموت
وهديوه نجنت وياي، هالنوب الممرضات نثولن ويانا

اخر شي ضربني أبره حسيت جسمي نشل
اريد لساني يبطل كلام وعياط والرب ما ع اكَدر اسيطر عليه، المشكله جنت ع اغلط
ع كل بشر يفوت ويطلع،
نمت ع صوت هديوه عد رأسي وعيوني تتنقل بينها وبين رحيمه لحد ما غفيت،واني الوب وجع

كَعدت الصبح، اتألم واكتم بألمي، فتحت عيوني وادحكَ أمي عد راسي ....

عمتي رحمه كَاعده ع الكرسي بجهتي اليمنى

همست بالزور

-يمه مي فدوا مي متت عطش يمه

ادحكَها طلعت تركض، وعمتي رحمه تدنت الي تمسح راسي مبتسمه

-ما بيج غير العافيه عمه

-يعقوب وينه اش كل هذا وما جا اصلاََ كل هذا بسببه ضل ينكَ يدور حباله
والضيم عليا وهساع ما هينه

كَولت هيج وبديت ابچي بصوت، حقدت عليه وينك انتَ تعرفني بأيامي وعفيفه ما تكَعد راحه

ورحيمه نخبصت وياي ،لحد ما دخلت امي
مسحت ع راسي وتشربني مي

-جوعانه يمه اجيب تاكلين ما تكَولين لا فدوا

-ما غصب ما اشتهي يمه وروح ابوي ما اشتهي هداوه

ضلت تدكَ ع رجلها وتحمس بحالها
والممرضات يتناوبن ع راسي السكر معلكَ ما ع ينزل

وادهم خطيه ما قصر، يبعثر بالفلوس الهن خاطر
ما يتركني

دكَ الباب وصاح

-عمه رحمه عادي افوت

-تعال عمه اش عدنا تعال

دخل خطيه بأيده علاليكَ دحكَلي يهز براسه

-الحمدلله ع سلامتج خويه، مبارك ما جاكم وتتربى بعز ابوها وحنانج