رحَت بَس آني ما راضِيلك تروح
ضعَف موقِف وَكَفتك ردت أحَسمة
حرت مِن وادعتني أتشاهد؟ أشتاكَ؟
بَحروف الموادع صارت أزمَة
بديك الخاليات شمَاخذ وياك
بَس هذة اللي بعَدك ردت أفهَمة أذا ريتي بعَدها وياي چا ليش
ما تِقبل تفوت بصَدري نسمة
......................................................................
لمحه من الماضي بين أزقة البيت العتيق في موصلي
نايم وفاتح ايده اليمنى ع ينتظرني انام عليها
عيونه تفتح وتتسكر من حالها مبين نعسان كان نازل اليوم من الدوام ومن بغداد تحديداََ
همس بصوته الحلو
-يلا حبيبي ولج رح اغفى
ضحكت واني واكَفه اغير بثيابي بباب الكنتور صاير ببينا بس صوتي ع ينسمع
-هيان اش بيك ع اغير ثيابي ما كنت ع اشتغل ونترست ريحة قلي الا سبحت حتى ارتاحيت
جاوبني بصوت انصى كن غفى
-ول حلاوتي اذا من طبخات تعبتي اش لو بمكاني
نكَزت ع صدره...
وييييي ما كَولت نسهر سوا غير رأيك وع تنام
سحبني مغمض
ولج حيلي مهدود تعبان خبالووو
حجاها ودنكَت بستا بشفافا بخفه...وبتعدت ابتسم بخبث فتح تك عين
أشر تعالي...هزيت كتافي... ماااا توني ع اكَولك نسهر سوا
بروح ابوج تعالي
رجعت عنده يعرفني اضعف بس يحجي هشكل
تقربت منه رجع أشر ع شفته
عيديها بربج...
استحي والرب بالاول عملتها عناد
حلاوتي..... حاوطت ايده رقبتي ونزل راسي ع راسه
صار شعري ع وجها مبلل وهو يشمشم بيا
تحبيني؟
حجاها وشفافه ع حنكي...رجفت شفتي
من الموقف
رفع شفته لشفافي يبوس بشغف ولهفه لدرجه ما كن من شوي ما ع يكَدر يتحرك
رجع كرر السؤال...بطريقه افضع
كامش وجهي ويهمس وهو ع يبوس بيا صرت اختض وكَلبي يريد يكشم صدري ويصيح اش ع يعمل هذا
جاوبتا بخجل وحب....اموت بيك وروح ابوي اموت بيك
رجع همس ويكرر حتى جواب ما ع يخليني اجاوب
كمشت شفافه بأصابعي،،ضحك
نغيتا بأصبعي ع صدرا...اييي شنو اش صارلك كأنك شكلت جرس وع يدكَ
استمر يضحك بس ما ع كلامي ع كمشتي لشفافه لانو حتى وهو يضحك ما تركتهم
ع ضحكتا صرت اضحك....نتكيت ع الحايط
نزل راسه ع حضني باس بطني
-العبي بشعري...ستغربت اول مره يطلب مني هالشيء
كمش ايدي رفعها ع راسه
ولج يلا..احب لمستج حيل..مررت اصابعي برقه وهو مستمر ع يحجي
