من النور الى الضلام

البارت التاسع

انت لو شفت السواد الجوه عيني°°
ما مشيت
لو دريت شگالت الوادم عَلَي من فارگتني°°
چا بچيت
شگد گلتلك انه لو ما انت اضيع
وچي گلتلك هل عفتني
شگد بقيت مچلب بمگفاك حد ما °°
ضَل قميصك بين اديه وما ردتني
آنه ذنبي تعوّديت وانت ذنبك تَيَّهتني °°

......................................................................

اليوم كله ما رجع ...
ضليت انتظره وابچي،،چذب صدوكَ محد
يخلصني
من هن غيره، قافله الباب عليا
وهذي اللي ما عرفت اسمها يمكن
لو بيدها، تدخل تاكلني

لا طلعت ولا شفت شي ولا اكلت لكَمه
وي اذان المغرب سمعت صوته
وهي بس صعد تلكَته
تحچي وياه
وايده تحرك بيدة الباب
رحت فتحته ودموعي تمطر،،
دخل شايل علاليكَ بأيده
من دحكَني زتهم وهي وراه، طلعها وقفل الباب
سحبني لحظنه
يستغفر

-اسف ومحمد ما كَدرت ارجع بسبب الانذارات
شو دحكَيني، اشششش بس كفي بچي

كَمت اضرب بيه وارددد

-زتني لهديوه ما عاد اتحمل فدوا ...يعقوب
اعتقني

هو يمسح بدموعي، ويبوس بوجهي

-هاي جبتلج عشا، تعشي واخابرها،وعرش الله
بس نتصافه اخذج الها

-ماااااا،،،طلعني من هينه هذي مرتك ذبحتني
من الصبح لهساع تصكَع بالباب وتغلط

-دواها عندي، انتِ بس بطلي نوح واهتمي بهذا
اللي ببطنج والج الصافي

دنكَ شال علاكَه ....فتحها جايب كباب
وفتح الثانيه بيها
مشكل فواكه كَعد وسحبني بحظنه
اني بس اشهكَ ....

-حبيبي شو يالله بس لا تبچبن، منو حجت وياج
شو دحكَيني حلاوتي

-ماااا اريد امي، هذي مرتك مچلوبه وامك تغلط عليا
اخذني من هينه طلعني مثل جبتني

جنت حاضنته واشهكَ
وهو هالكثر بوسني ويمسح دموعي
وما يحجي ....
شالني بحظنه كَعدني، وكَعد ع الارض
يريد يوكلني بعدت ايده

-ما اريد ع اكَولك هالسم ما اريده

تنرفز مني وغصب يفتح بأثمي، ضل يوكل بيا

همس

-ابراهيم ذبحني كل شواي يتصل ويهدد ...
كَوليلهم اريدا، ما اريد أأذيه ترا لخاطرج ساكت

-وانتَ بعد كسرتك الي هيج تتوقع اقبل اكَعد يمك

خله ايده ع بطني

-لخاطر اللي بينا اني اعرف غلطان وما قليل
الصار بس وعرش الله من حبي الج
سويت كل هذا

ابتعدت عنه ...وصعدت ع التخت

ادحكَه شال الغراض حتى ما اكل والفواكه صفطهم
بالثلاجه
رجع طلع ملابس
وجا ليمي باس راسي وطلع للحمام .....