يجي يوم وترد تجمع
شكو مگتوب شگيته
وترد تندم ع كل ثوب
عفته ومآ آشتميته
وتبچي ومحد يشوفك
وحتى چفوفك تعوفك
وترد ندمآن بس بعديش ؟
بآب عيوني سديته!
......................................................................
هذا اليوم ضل مطبوع بذاكرتي
صعبه،وجان حيل صعب ابد ما فد يوم تخيلت
او حتى فكرت انحط
بهيج موقف
ما قصة عندي ثقه بيعقوب، هو ملعب
واعرفه وبدون ما حد يكَولي
من هذي المرأه حجت،
اول كلامها
-اني زوجة يعقوب، اني ضليت ارمش
وعيوني غوشت، اريد استوعب اللي ع تكَوله
بس حسيت بهبطه راسي ،ع الارض
اريد افتح عيوني وما اريد اسمع ....
صوته، اي والله صوته
-حلاوه حبيبي،، انتِ شنو من بشر ولج
شكم بمرا فهمتج ارتاحيتي
نزلت دموعي، حقيقه هذا ولكم والله حقيقه
عطت
وچلبت بياخته
-الله ياخذك،الله ينتقم منك يا حقيررررررررر
هو مچلب بيا واني اصرخ كَمت احجي
وما اعرف لساني ب اش يتلفظ
كلهم يدحكَولي وهو اولهم
هذي المرا خنست والعجي اللي بحظنها
يعيط
جا ليمي واني اصرخ ما اعرف اسكت
هجمت عليه
واني اضرب كل قوتي
-عجل شكو متزوجني حقيررر ما هذي مخلفه ثنين
يا ضالم النفس ثنين
لا خليتني ارتاح ولا عتقتني، الله ياخذك
شنو من بشر،،خايس انتَ عضمتك خايسه
ابو النسوان، الفاسق
هو حتى ايده ما رفعها، ولا نطق كلمه
وهي المرا، هي ما مرا چبيره مبينه شكلها مالت
25 بالزايد، حنطاويه وعيونها وساع
اقصر مني ومنا
.
.
.
احس حنجرتي تشخطت، جمره ونعلكَت
ببلعومتي
عفتهم وطلعت بوجهي برا
وهو بوراي يتوسل
-حلاوه لخاطر ربج بس افهمج والرب چنت مضطر
اتزوجها اني ما رف كَلبي غير الج
كَعدت بالكَاع اديه ع اذاني
-اسكتتتتتتتتتت اسكتتتتتتتتت
هو كَعد وياي شهكَ بمثل الطفل
رفع راسه للسما
ودحكَني
-والرب والرب اموت اموووت بلاج حلاوه حبيبي
اطلكَها
اني ما اريدها والله والله
-ما تريدها اخذتها لشهواتك ...الله ياخذك واخلص
ادهم توا دخل البيت،،تركته وركضت لادهم
اشهكَ
واصرخ بدون وعي
