من النور الى الضلام

البارت الثالث عشر

بخت عنده الصار يمك
هي عيني شلون تغفى بدون حلمك
يبـه سولة صارت بالشفايف
ما تردد غير أسمك
يبـه هو دمي شلون يخثر بالكَلب
لوما تمشى ويا دمك
يا بحر خايف عليك
ومن كثر خوفي ردت بچفوفي ألمك
......................................................................

لمن دحكَت يعقوب ع يدافع لابراهيم

ومحروكَ لخاطره كبر بعيني....وهالشغله لكل بنت

زوجي ما دام يحب امي ويحب ابراهيم

معناها من محبته الي

هو ليش اچذب من زمان يرتاح لابراهيم
يعني ما بس لخاطري

عدا مكاونهم بسببي يعكس انو ما يطيقون بعض
اني حضنته ابچي ....

هو يبعد بوجهي عن كتفه
يريد يمسح دموعي يتخبل يدحكَني ابچي

همس
-حلاوتي شو ابويه كفي حبيبي هساع ع اش هالبجي
خررررب يولي

بعدت عنه ورجع سحبني يمسح بوجهي
شبك اصابعي بأصابعه

ومشا للمطبخ دنكَ راسي للسنكَ يغسل بوجهي
ادحكَه مبتسمه ورجعت حضنته

-ربي يحفظك الي ويبعد كل شر عنك حبيبي

رفع حنجي ويدحكَ للباب ودنكَ لشفتي بهداوه
اندمجت وياه

وبوكتها ما جنت اعرف ابادله ابد

ما حسينا غير بهجوم عمتي رحمه الكاسح
تصيح بأسم امي

وهينه سبحت خجل ختلت بوراه واني مچلبه
بضهره
وهي نرعصت بالبدايه مرتبكه ورجعت تكَربت
من يعقوب تضرب بيه

وهو يعقوب خربان ضحك،،،سحبها واني بوراه

-رحوم تعالي ابوسج لا تستحين عميمه تعالي

هالنوب تغلط عليا وكل كلامها ما بشقا

-تعالي هداوه دحكَي حلاوتنا ذايبه والادبسززيه بالمطابخ ع يسوون نذاله

جيت ابچي وهو التفت يحضن بيا

-الف بمرا كَلتلك ما ارتاح نتصرف هيج بغير غرفتنا عجبك هساع خلتني بلسانها

هو مستمر يضحك عليها

-حلاوتي يلا ابووويه خ يهيرون العشا وعرش الله من الصبح بالطريق ع لفة فلافل ما غيرها

-عمت عيني هساع ما تتدلل دقايق نصب الاكل

جيت امشي سحبني اله

-منو معلمج الغزل هااا ....ولج صايره تنكالين تدرين لو لا
اعرفه اش ع يقصد عبن نضره ع خلفيتي

دفعته بضجر

-ما تحجي هيج تصير ما حلووو والرب

جريت كلامي وهو تخبل عليا

-والرب بس اجي ******بنت اللذين تريد رحيمه تسوي حفله علينا يلا بساع جهزي العشا

طلع نافش ريشاته ومصدكَ حاله ع يتأمر
عليا
ضحكت ع شكله بس والرب اخاف منه كفر
واذا يكَولولي منو يخوفج اكثر شي بالدنيا
اكَول يعقوب
مع انو ما مسويلي شي غير بمره كتلني وكفخات معدوده