من النور الى الضلام

البارت الخامس

دخلت غرفتي واني اشهكَ واكتم بصوتي ..
واسمع صوت

-عمه اش سويتلها، مجرد بستها والله العظيم لو تشوفين غلطها وجسارتها جان عذرتيني

الما وصل صوتهم لغرفتي،،دكَو الباب وهديوه تتوسل بيا

-افتحي يمه ولج عيني بس نحجي، هو هيج يا عمه

هو يتوسل بأمي، ويرجع يحجي بغضب وياي

-اكَلج فتحي الباب لا اكسره وربج كافي دلع عاد

-يعقوب اش بيك عمه هو هيج،
شو يمه افتحيلي الباب

كَمت للباب والرب مو حباََ او خوف منه مجرد ما اريد امي تبقى تتوسل بيه

فتحت الباب امسح بدموعي هو اول ما شافني كَز اسنانه واردف

-بعد بعد الطمي، روحي طلعي بالشارع كَولي زوجي باسني، استغفر الله

جرته امي ودخلتنه الغرفه وسدت الباب، هو كَاعد ع اعصابه يخز بيه ويتنافخ ما عاجبه

-حلاوه يمه اش صاير،، صدوكَ عبن باسج يعني

هزيت راسي بـ لا
هو تخبل ويشيل بروحه ويركَعها شفته ملخها عض

جت كَعدت يم رجليه

-عجل شكو يمه، دحكَت ليعقوب ورجعت تدحكَلي

-عمه ورب العرش بس شلت السويتر مالتها وبوستها ما كفرت ترى

-عمه وانتَ ع شنو مستعجل راح نطير يمه، هي اول تالي جواك وشابع بيها

اني فد خجلت من حجت هيج، اول مره اسمعها تكَول هيج بصريح العباره

-عمه ترى هالشي يصير بين حتى المخطوبين ما عاد اني زوجها اش بلاها كَلبتها، لا وتغلط هم

امي بقت حايره وهمست

-وهذا كله ومصمم تاخذها لاربيل، من جنت احجي تخبلت عليا ولا ولا وهساع بعدك مقتنع ،وهي اكيد تكَلبها تجيك معلمه يعني جاوبني

بقى ساكت ويفرك بوجها يدحكَلي ومثل اليتحلف
بعدين اخذته وطلعت مدري اش يحجون

تمددت ع تختي وارجف ،اريد تفكني الرجفه يمكن اذا صدوكَ يتمم كل شي اتخبل

لهناك ودخلت وقفلت الباب
تمددت وياي مسحت ع راسي وباسته، طكَيتها بچيه بهضيمه

-يمه ما اريد عفيه ما اريد، اذا هيج يصير بيا ما اريد
انتِ شايفه شلون يصير شخص ثاني عبالك ع ياكل بيا ما يبوسني

-اششش اششش عيب تحجين، تحجين الي بس
ما ياهو الجان تسولفين هيج

-ترا والرب چذاب كَالي سلميني حالج ....

ضلت تنصح بيا مره ترزل مره تنصح ،وسالفة غلطي عليه يبوووو اكلت راسي بيها

شو هي نزلت ورجع دخلته بالغرفه، ادحكَلها وعيوني جحظت من مكانها