گلي
من اول جدم حط اعله بابك.. عندي غيرك
گلي
من اول (احبك ) لا تحبني ..عندي غيرك
گلي
من اول دمع صب اعله زلفك
لا تبلل شعري و ارحل.. عندي غيرك
گلي
من طحت اعله گاعك
روح طيح بگاع غيري .. عندي غيرك
.......................................................................
حلاوتي....تحبيني
شون ما احبك والرب اموت عليك
والله؟
اي والله،،تؤ هساع ليش ع تسأل هشكل كل مرا
تعالي بحضني اريد اكَلج شي
ماااا تضحك عليا...كَولي من هينه
ولج ايمتى تكبرين انتِ....تعاااااااالي
.............
صوت الصراخ وخوفي ونضراتي رجفتي...
خلوني احس حالي بعالم ثاني لايمتى رح استمر هيج
هالمرا بالبدايه لا بچيت ولا ونيت ولا حچيت حتى
ضليت ادحكَ واسمع الصراخ
نهله: حلاوه ع تسمعيني يمعودا جاوبي.....
كَلبي ع يوجعني نهله ع يتفطر من الوجع..
حچيتها اضرب ع صدري بقوا الالم ما عاد اتحمله
تهز بيا واني مااريد اعيط ولا اصرخ بس اريد الالم يخف
ساعه بورا ساعه اني صافنه ايدي ع خدي وافرك صدري بألم ونهله حاضنتني خايفه عليا
لحد ما جا محمد وادهم سوا دخلو البيت...بس ملابس وصخه وكلها اتربه
وادهم بالزور ع يمشي،،، خفكَ كَلبي واني ادحكَ أمه وخواته ركضو ناحية ادهم...امه تصارخ بوجع
وتتوسل بيهم يحچون...
الزاد حالتي سوء هو ادهم حضن امه وكَعدو يبچون
هينه نتهيت كَمت املخ بشعري ونهله كامشتني....
والله كَلبي ما ع يكَدر يحقد عليه...ويكرها
بس لحظة الي ضربني أذاني بدون سبب واني اتوسل بس يتركني
ولج نهله دعيت عليه ولج نهله تمنيت ما يرجع وادحكَ خلقتا....يمه كَلبي رح يطق
يعقووووب...حجيتها وروحي سلهمت حسيت حالي بقارب واهتز والمي ع يسحبني احس برجفه بصدري
وضربات بخلقتي
خدودي خدرت وعيوني ع تدور وحراره تنزل من خشمي...
ولساني ما بطل لهج باسمه ع اموت،،،،نرفعت وجسمي نتفض بوجع حسيتو تمزق
وفقدت.....
بدات روحي ترجع والالم صار قوي بشكل يكهرب بيا
راسي ولعبان نفس
بس الصراخ موجود وصوت امه وصوت ادهم
تواسيل نهله بعدها تدور بأذاني
كانو حلم بس توقف عليهم شريط حياتي....
فتحت عيوني برهاواا احس حتى جفوني ترجف
صار بوجهي دكتور شاب...مبتسم،،عيوني مغوشه
صعب عليا اميز خلقتا
ضليت ارمش لحد ما توضحت الصوره...صار امير
اي ذاته دكتور امير...رجعت غمضت
اش جابه هذا اش موجود بكل مستشفيات العراق
ونيت بألم واني احس ببروده السيروم. ع اديا
