غمضت عيوني اجبر حالي اقسى اجبر حالي ما اتعاطف ولا احن اله بس ما ع اكَدر،اخذتني رجليا للاستقبال
ادهم تاركه وطالع وما حد يكَدر يدخل اله،،خواته كلها تبچي بالباب وعفاف ويلادها بحضنها حاضنتهم وتبچي
دخلت واني ماعرف اشون صارت عندي هيچ جرأه او اشون رجعت
كل شي زاته متكسر الاستقبال مليان زهريات واغراض زينه كلها مكسرها وهو حاضن راسه باديه ويشاهكَ
رفع راسه ع صوت خطواتي
صفن شوي ورجع دنكَ،، تقربت اله واديني حاوطت اديه الي فوكَ راسه، دفعني مره ومرتين واربعه بس ما ابتعدت حضنتا ودنكَت ابوس براسه
رجع دفعني بقوه وصرخ
يعقوب...
اطلعو ماريد احد...
اش احچي اشون اوصف الي مريت بي....
اي كلام واي حرف ما يكفي الي كنت ع احسه وع يصيرلي،،،امي، لو بنتي لو يعقوب
لو نفسي لو روحي اني؟ اش لازم اختار اش لازم اعمل...
هالكثر الحياة صعبه هالكثر تأذي وتحطم وتطلب مننا نرجع ونوكَف ع رجلينا كأنو ما صار شي
همست ودموعي تنزل
رح اطلع بس ما هساع رح اطلع بالوقت الي انتَ بقناعتك تطلعني يعقوووب
دنكَت ابچي وكَنبصت مقابيله ودموعي تصب مثل المطر
اش عملت اني؟ كان ذنبي يصير معاك هشكل؟
كان ذنبي اذا ذنبي هذي اني كَبالك يعقوب اعمل الي تريدا ويعجبك اذا هشكل ترتاح
مسح وجها يبعد اديه عن ايده وارجع اكمشها
اذا بعدي عنك يريحك ما اخليك تشوف خلقتي يعقوب
ما انتَ تحبني؟
يعقوب....حچيتها ورفعت وجها بأيدي
كل مرا تكَولي نحن نبقى سوا لو شنو ما يصير ها
اذا ما بهذا حالك كنت معاك ايمتى لعد
بس مدنكَ حتى نظره ما دحكَلي
كنت ع اشحذ الكلمه منه وروح ابويا رغم كل شي صار وع يصير ما ع اكَدر اكرهوو كَلبي هذا كَلبي ينبض واسم يعقوب وي كل نبضه
زفرت نفس اصبر بحالي بالزور ندرت بورا ودفعت عربانتو سكت مدنكَ نظراته عني
ساعدته يتمددد وغطيته....وكَعدت عندو ع التخت
غلست وتجاهلت كل شي سمعتا منه ومن غيرو كَولت اسوي الي عليه
اني فهمت اش بي كل ظنه رح اتركه ولخاطر عزة نفسه وكرامته صار يريد يفترسني
دقايق متواصله اني امسح ع راسه وهو مغمض
جيت ابتعد سحب ايدي ورجعها فوكَ راسه
همس
حلاوه...
جاوبته اشهكَ...روحي يعقوب
تعالي بحضني شوي
غمضت عيوني اريد اسكت يحچي ويرجف شفافه بيضه وترجف
همست...عيب هساع يجي ادهم او احد
قاطعني يجر بكلماته بتعب
تعالي حلاوه
تمددت وي طوله رجع همس
بحضني حلاوه....
هو يحچي هشكل واني بالزور كاتمه شهكَتي،،اش ميت ورجع للحياه
اش حسيت عامر (ابوها) وضمني لصدرا
حضنتا وبچينا ثنينا بقوا والله بيومها خشمي نزف ودمرني ودمرا وما ابتعدنا عن بعضنا
