Interior Lighting အကြောင်းစ​လေ့လာရ​အောင်

part 22

အလင်းပမာဏနှင့် အလင်းတွက်ချက်ခြင်း
Lighting Design Calculation

အရာဝတ္ထုတခုကိုရှင်းလင်းစွာမြင်ရဖို့ဆိုတာ မျက်လုံးကလက်ခံနိုင်တဲ့ လုံလောက်တဲ့အလင်းအားလိုအပ်ပါတယ်။အလင်း၊အလင်းလို့ပြောလိုက်တာနဲ့တောက်ပမှုကိုအခြေ ခံတယ်ဆိုတာလူတိုင်းသဘာပေါက်ကြပါတယ်။အယ်ဒီဆင်ဟာ1879ခုနှစ်မှာ ကမ္ဘာ့ပထမဆုံးမီးသီးကိုတီထွင်ခဲ့ပါတယ်။လွန်ခဲ့သော130နှစ်ခန့်ကတီထွင်ခဲ့တဲ့ မီးသီးကတော့ ဝါကြံကြံမီးရောင်လေးသာ ဖြစ်ခဲ့ပေမယ့်အခု နောက်ပိုင်း လူသားတွေရဲ့ဆန်းသစ်မှုနဲ့ အတူ အရောင်စုံ အလင်းစုံကို အသုံးပြုနေနိုင်ပြီးဖြစ်ပါတယ်။ လွန်ခဲ့သောနှစ်အနည်းငယ်က color temperature ကိုရွေးချယ်ဖို့အခွင့်အလမ်းအလွန်နည်းခဲ့ပေမယ့် ယခုအချိန်မှာတော့ ရွေးချယ်စရာစျေးကွက်တွေကလည်းများပြားလာပြီဖြစ်လို့ စိတ်ကြိုက် ရွေးချယ်အသုံးပြုနိုင်ပါပြီ။Color Temperature နဲ့ပတ်သက်ပြီး လူတွေရဲ့လိုအပ်ချက်အရ လင်းလင်းထိန်ထိန်အသုံးပြုမလား။သာမန်မြင်ရရုံအသုံးပြုမလား။ခပ်မှိန်မှိန် ပဲသုံးမလားဆိုတာကိုလည်း  စိတ်ကြိုက်ရွေးချယ်နေနိုင်ပါပြီ။ဖုန်းတွေနဲ့လည်းချိတ်ဆက်ပြီး Software ဖြင့်လည်း အလင်းအမှောင် အတိုးအလျော့ ကို ပြောင်းလဲတဲ့နည်းတွေလည်း အသုံးပြုနေကြပါပြီ။

  လူနေအိမ်၊အလုပ်နေရာ၊စက်ရုံ၊Super Market၊ဟိုတယ် စသဖြင့်လူတွေအသုံးပြုမည့်နေရာတိုင်းမှာအလင်းလိုအပ်ပါတယ်။အလင်းကိုအသုံးပြုတော့မယ်ဆိုရင်(ဝါယာကြိုး၊breaker)စသည့် တပ်ဆင်မှုအပိုင်းမလုပ်ဆောင်ခင်မှာ ဘယ်နေရာမှာမီးချောင်းအသုံးပြုဖို့ လိုအပ်မလဲ၊အလင်းပွိင့်ဘယ်လောက်ထားမလဲ၊ဘယ်လောက်Wattထားရင် အဆင်ပြေမလဲဆိုတာ ြှကိုတင်လျာထားမှု ရှိရပါမယ်။အဲဒီလိုလျာထားတဲ့အခါမှာ လွဲချော်မှုဖြစ်ခဲ့လျှင် တချို့နေရာတွေက အလင်းအားများပြီး တချို့နေရာက ခပ်မှိန်မှိန်ဖြစ်နေလျှင် လူတွေအတွက်လည်းသက်တောင့်သက်သာ မဖြစ်နိုင်သလို အလင်းအားများလွန်းလျှင်လူတွေရဲ့ မျက်စိကိုထိခိုက်နိုင်ပြီး၊လူတိုင်းကလည်း အလင်းအားများတဲ့နေရာမှာ မျက်လုံးမှေးပြီး ဘယ်သူမှ နေချင်မှာမဟုတ်ပါဘူး။ ရုံးပိုင်းနဲ့ဆိုင်တဲ့နေရာတွေမှာလည်း အလင်းကနည်းနေလျှင် အဆင်မပြေနိုင်ပါဘူး။ဒါကြောင့် အလင်းစွမ်းအင်ကို လိုအပ်တဲ့နေရာမှာလိုအပ်သလောက်သာအသုံးပြုခြင်းဟာ စွမ်းအင်လည်းချွေတာရာရောက်သလို လူတွေအတွက်လည်း သက်တောင့်သက်သာဖြစ်စေပါတယ်။