// Unicode //
~~~~~~~~~~" ဝါး... "
အခန်းတံခါးနောက်က ခုန်ပြီးထွက်လာတဲ့ ညှက်စိ။
" အိပ်မယ် "
" ဇံ.. ဇံ ကြောက်လေ... ဇံ ကြောက်ရမယ်လေ.. "
" ကြောက်တယ် ကြောက်တယ်၊ အိပ်ကြမယ်.. သွားတိုက်လိုက်ဦး "
" ဇံက မကြောက်ဘူး.. "
" ကြောက်ပါတယ်ဆို.. သွား "
လက်ထဲကို သွားတိုက်တံထည့်ပေးပြီး ရေချိုးခန်းထဲတွန်းပို့လိုက်၏။
ပြန်ထွက်လာတော့ မျက်နှာကစူပုတ်ပုတ်။ ရှိုင်းသော်တာပေးခဲ့တဲ့ ချိုချဉ်လုံးတွေကလည်း အိတ်ကပ်နှစ်ဖက်မှာအပြည့်။ ချောင်းဆိုးမယ်လို့ပြောတော့လဲ ပြောတဲ့သူကို ရန်တွေ့သေးတာ..။
" လာ အိပ် "
ဘုန်းပြည့်ဇံ လဲလျောင်းလိုက်ပြီး ဘေးကနေရာလွတ်ကိုပုတ်ပြတော့ တရွေ့ရွေ့တက်လာသည်။ ဖွင့်ထားပေးတဲ့စောင်ထဲတိုးဝင်ပြီး လက်မောင်းပေါ်ခေါင်းအုံးလာတဲ့ကောင်လေး။ အခန်းမီးပိတ်လိုက်ပြီး ညအိပ်မီးလုံးအဝါရောင်မှိန်မှိန်လေးသာရှိတဲ့အခန်းဟာ အဲကွန်းဖွင့်ထားလို့ ခပ်စိမ့်စိမ့်အေးနေသည်။
" ဇံ.. "
" အွန်း "
" ဒီညက.. ဒီညကလေ.. အမ်.. ဟော်လိုဝင်းလား.. "
" ဟုတ်တယ် "
" ဟော်လိုဝင်းဆိုတာ... သရဲတွေလား.. "
" ဟုတ်တယ်.. မအိပ်ရင် သရဲကိုက်လိမ့်မယ် "
" သရဲက.. ဇံ့ကို ကိုက်မှာလား.. "
ပြန်မဖြေဘဲ မျက်နှာထားတင်းတင်းနဲ့ ငုံ့ကြည့်လိုက်တော့ ဟိခနဲရယ်တယ်။ ဘယ်လိုကောင်လေးလဲ မသိ။
" ဇံ.. "
" ပြော "
" ဇံက.. ကြောက်လား... ဇံက သရဲကြောက်လား.. "
" မကြောက်ပါဘူး "
" မကြောက်ဘူးလား "
" မကြောက်ဘူး "
" ဇံက.. ကြောက်တာက.. ပိုး...ဟပ်.. "
" အင်း "
" ဇံက ကြောက်တာ ပိုးဟပ်.. "