စုန့်က မြို့တော်ဝန်ကိုပတ်တီးအသစ်လဲပေးရင်း စားပွဲပေါ်ကဓာတ်ပုံကိုကြည့်နေတယ် ။
"အဲ့ဒါ ဟော့စတန်အိမ်က ကလေးလား "
"ဟော့စတန်? "
"အင်း မြို့တော်ရဲ့အထင်ကရ ကုန်သည်မိသားစုပဲလေ ၊ တရုတ်လို ရှန် လို့ခေါ်ကြတယ်ထင်တယ် ၊ ပွေရှုပ်လိုက်တာမှ "
မြို့တော်ရဲ့မျက်နှာက အနည်းငယ်ယိုယွင်းလာတယ် ။
"ဒါကရှောင်းကျန့်ငယ်ငယ်ကပုံ မင်းဒီပုံကိုအဲ့အိမ်မှာမြင်ဖူးလို့လား "
"ရှောင်းကျန့်? "
"မြင်ဖူးလား? "
"မဟုတ်ပါဘူး ဓာတ်ပုံပေါ်ကတံဆိပ်တုံးက ဟော့စတန်မျိုးရိုးရဲ့ သင်္ကေတလေ ၊ သူတို့မိသားစုဝင်တွေပုံရိုက်ရင်အဲ့တံဆိပ်တုံးအမြဲနှိပ်ကြတယ် "
နှစ်ယောက်စလုံးတိတ်ဆိတ်သွားပြီး စုန့်ကပတ်တီးကိုလက်စသပ်လိုက်တယ် ။
"ရှောင်းကျန့်မှာအဖေမရှိဘူးမလား "
"သေသွားပြီလို့ပြောတယ် သူငယ်ငယ်ကဟာတွေသေချာမမှတ်မိတဲ့ပုံပဲ "
"ရုပ်ရည်နဲ့ခွဲခြားလို့မရတာမှန်ပေမဲ့ ရှောင်းကျန့်မျက်နှာကသာမန်တော့မဟုတ်ဘူး စတွေ့တုန်းက သာမန်ဆင်းရဲသားကောင်လေးလို့ထင်ရက်စရာတောင်မရှိဘူးလေ ၊ ပြီးတော့မျက်နှာကလည်း သေချာတွေးကြည့်ရင် အနောက်တိုင်းသွေးစပ်ထားတယ်လို့ မထင်ရဘူးလား? ငါတော့ ရှောင်းကျန့်က ဟော့စတန်အိမ်နဲ့သက်ဆိုင်မယ်လို့ထင်တယ် "
"အဲ့လူကဘာလဲ "
"မြို့တော်ဝန်တင်းကိုမှတ်မိသေးလား (---) ပြည်နယ်ကလေ "
"အမှိုက်လိုကောင် "
"အင်း ..သူအမှုတွေမပေါ်ခင်က ဟော့စတန်ကသူ့ကိုအတော်လေးပံ့ပိုးခဲ့တာ ၊ လာဘ်ပေးလာဘ်ယူများလား ၊ ပြီးတော့ မိန်းမတအားပွေတယ် တရားဝင်မယူဘဲ တစ်နယ်မှာတစ်ယောက်ပတ်ထားနေတဲ့ပုံမျိုးပဲ ငါကြားဖူးသလောက် ငယ်ငယ်ကရုပ်ခံလည်းရှိတော့ ပိုဆိုးတယ်တဲ့ ၊ အမှိုက်လိုကောင် ဇက်ပြုတ်သွားမှ သူလည်းပျောက်သွားတာ "
