عشق على وتر الإنتقام [ مـكـتملة ]

10. ذنوب فى سبيل بصلة

النهاردة ٣ بارتات وبكره إن شاء الله اتنين لإن فى شخصية جديدة انا هموووووت وأحطها بئا ولو نشرت النهاردة اتنين وبكره اتنين يبقي مش هعرف أنزل البارت اللى فيه الشخصية الجديدة غير بعد بكره

حد فاهم أنا بقول ايه اصلا 🙂

...

حل المساء إسلام يجلس فى جناحه بقصر والده يتذكر اخر لقاء مع رنا أنه سيخبرها عما جعله يتعلق بها بهذا الوقت القصير أتته رسالة إلى هاتفه فأمسك بالهاتف ليجدها رسالة من رقم مجهول

" فكرنى عشان نسيت..دخلت فيها ب مكسب ٢٠ مليون صح؟ يعني لو خسرت الصفقة تبقى خسرت..ال ٢٠ مليون برضو ومتنساش فى عشرة قبلهم "

بأڨور أوى ف الملايين اللي بحطها دي

كانت هذه الرسالة التى أتته صر على أسنانه بغضب وتهجمت ملامح وجهه أدرك أنها من تدعى ب أسيل المنشاوى كان سيرد عليها برسالة لكنه فضل أن يدق عليها أفضل كى يستمع لصوتها او يعرف أى شئ عنها

بمجرد أن دق عليها كان الهاتف مغلق فألقى هاتفه جواره بغضب وهو يحاول أن يعرف من هى ولماذا! هو حتى لم يستمع بإسمها من قبل ظل يفكر حتى تذكر كلمة چوزيف له عندما سئله من هو " قاتلك" رنت تلك الكلمة بإذنه فإعتدل فى جلسته وهو يحادث ذاته

" ليه ميكونش الإتنين ليهم علاقة ببعض..ظهروا ف نفس الوقت بس إيه لم الشامى ع المغربى دى أسيل ودا .. كورى ... ليه لاء مهو بيتكلم عربى..بس مالهم بيااا برضو انا مليش تعامل ف شغل مع شرق آسيا ولا سمعت عن آسيل المنشاوى دى قبل كدا"

وضع سبابته وإبهامه على جبهته يفكر ثم اتت برأسه فكره فأمسك بهاتفه
وعند رنا كانت تجلس بغرفتها أمامها هاتفين واحد لها و واحد أرسلت منه الرسالة لإسلام قبل دقائق دق هاتفها ف نظرت بتوتر عندما رأت رقم غير مسجل ولكن مفتاح الرقم أمريكى ف عرفت أنه هو..لما يتصل بها بعد الرسالة من المفطرد أنه ليس بمزاج جيد الأن

امسكته الهاتف وأجابته
" قولت هتكلمنى لما تسافر ونسيت"

" انا لسة حتى متكلمتش عرفتى منين أنه أنا؟! "

فكرت لحظات قبل أن تجيبه ووجدتها فرصة تتلاعب بمشاعره قليلاً
" حسيت إنه إنت "

وكـ الأبله صدقها وإبتسم لتكمل
" بترن ليه بئا؟ قولت تطمن ولا بتنفذ كلامك زي ماقولت إنك هتكلمنى اول ماتوصل..ولا سبب تالت؟ "

" سبب تالت "
ابتسمت بنصر بالطبع سيقول أنه إشتاق لها..او افتقدها سيقول أى شئ على تلك الوتيرة فأجابته
" إيه هو؟ "

" عايز أعرف الكوريين اللى حجزوا عندك ف الفندق الإسبوع دا والإسبوع اللي فات "

سقط فمها بصدمة لم تتوقع قول هذا ومن ثم اتسعت عينها وتوترت هل قال كوري؟! هى تعلم بمقابلة چوزيف له يوم رقصت مع إسلام ف بالطبع يريده