عشق على وتر الإنتقام [ مـكـتملة ]

35. يوم مشؤوم

شكر الله سعيكم مقدماً 🤝
هنزل شابترين النهاردة عشان إحداثهم تبقي مترابطة وخلصوهم ف يومين عشان انا محتاجة اجازة بعد الكم الكبير اللى كتبته ده ومزاكرتش من امبارح وهتنفخ🙂👍
بسم الله نبدء

_____________.

حل الليل وفى قاعة كبيرة لم يتم عمل حفل الزفاف بالقصر من باب التغيييييير !

بقاعة كبيرة حيث يوجد رجال ونساء من أصحاب الطبقات العليا ، يقف إسلام ب بدلة زفافه مع والده يتحادثون ببعض الأمور وهو أمام الجميع ليس سوى عم العروسة 

وعلى طاولة يجلس غيث معه غادة وعائشة ، كانت غادة ترتدى فستان باللون الطوبى يصل لأسفل ركبتها وحذاء بكعب وكالعادة تركت شعرها منسدل لكن جعلته مموج مع ميكب كامل ف كانت تبدو رائعة لكن غيث لا يتوقف عن إعطائها نظرات حارقة

غادة وهي تحاول كتم ضحكاتها
" بطل تبص كده انت شوية وهتاكلنى "

ثم أكملت وهي تنظر لعائشة
" بزمتك دى طريقة يعامل بيها خطيبته! كريم بيعاملك كده يابنتى"

عائشة بملل
" وهو فين كريم أصلا واختك فين كل ده ؟! "

تحدثت غادة
" كريم لسة مجاش بيصيع أو بيخونك ، رنا بئا چوزيف خرج من نص ساعة راح يجيبها م الكوافير "

عائشة بإستغراب
" هو مش العريس اللى بيجيب العروسة انتو بتعملوا ايه!! "

غادة
" الله ونا مالى ياستى انا جاية هنا أكل وأرقص وأروح "

نظر لها غيث بطرف عينه ف حمحمت وهي تقول
" قصدى أكل وأروح، رقص ايه بس أنا عندي الغضروف أصلاً  "

نظرت له لتجده ينظر لها بنفس البرود ف قالت
" الله أعملك ايه يعني؟! أغير الفستان إزاي "

عض على شفته السفلية بغضب ثم قال
" ويقوللى الفستان هيبقى لايق على أى طقم هلبسه ! وهيكون فى ماتشينج رهيييب ، إيه علاقة اللون الطوبى بالكحلى اللى انا لابسه ده ؟! "

غادة بضحك
" حد قالك تكحلها ! وبعدين احنا اللي صوتنا طالع ف القاعة كلها ولا كإننا معانا أطفال هنا ما تقعدوا ساكتين وهاتولي م البتاع الاحمر اللى بيشربوه هناك ده "

غيث ببرود
" خمرة "

غادة بسرعة
" صرفت نظر خلاص هو لونه كان مغرى بس "

بالخارج كان چوزيف يقود سيارته ببرود شديد يخفى داخله غضب وألم يكاد يقتله وبالخلف تجلس رنا بفستان زفافها وهى مزينة بالكامل كأى عروس