عشق على وتر الإنتقام [ مـكـتملة ]

21. تلاقى أرواح

ك عنوان للبارت خليته " تلاقى أرواح "

وعلى صعيد أخر أنا كنت عايزة أخليه

" صعيدى واقع فى الحب "

تسئلونى معملتوش زى ماكنت عايزة ليه أقولكو معرفش!

.. .. ..

صباح اليوم التالى بالجامعة
يجلس الأربعة على الأرض معاً عائشة تتحدث و أحمد وكريم يستمعون لها ومن المفترض أن غادة تجلس معهم لكنها شاردة تماماً

كريم بضيق
" خلاص اسكتي"

أحمد بضحك
" ياشيخة وحياة الشاورما اللى ف إيدك دي تكملى "

كريم بضيق
" تكمل إيه؟! هاه تكمل اييييه يعنى أنا مش عارف أخلص من تامر طلع غير تامر في ناس تانيين معرفهمش! مين الكيلاني ومين زيكولا و إيه حصودة دا..وسما إيه اللى بتشتى لما العفريت يزعل إيه الإلحاد ده!"

عائشة
" إنت مش من العظماء ف مش عارف الناس العظيمة دى "

كريم بضيق
" لا ياشيخة تامر هو اللى م العظماء يعني "

" والله دمه خفيف "

كريم بغضب
" والله هلغبطلك معالم وشك دلوقتي "

أحمد
" انت عبيط يلا! الواد عارف كل حاجة هى بتحبها وفوق كل دا عينه خضرة وهيسفرها ونت عرة ومتعرفش الحاجات اللى بتحبها وكمان بتزعقلها البت بترفص النعمة عشانك وبرضو بتزعقها! يابجاحتك"

عائشة
" قوله...دا حتى ميعرفش حصودة "

أحمد بعصبية مصطنعة
" إنت إزاي متعرفش حصودة إنت إتجننت دا بقت كوسة خالص! .. ألا صحيح يا عيشة مين حصودة دا؟ "

كريم بضيق
" ولا أعد ساكت إنت قعدتك مفيش منها فايدة أصلاً..ونتي والله لو قولتى فيه كلمة عدلة مش هعديها التالتة دي ساكتة كدة ليه ماتقوليلنا ع الخطة البديلة.....غادة؟"

إنتبهت غادة أن أحد يذكر إسمها ف نظرت لهم بدهشة وقالت
" نعم؟ "

كريم
" نعم الله عليكى ياختى قولى خطة غير الأسئلة الغريبة دى علشان طلع عارفهم كلهم وبدل ما يبقى مع عائشة سبب ترفضه بقى معاها سبب تحبه "

عائشة بإبتسامة وهي تنظر لكريم
" لا مش لدرجة أحبه أنا مبحبش غير واحد "

كريم بحب وهو يقترب منها
" قلب الواحد"

أحمد بقرف
" إيه التلزيق ده؟! جاتكم القرف...انتى راضية عن اللى بيحصل دا؟ "