عشق على وتر الإنتقام [ مـكـتملة ]

22. إسلام الدمنهورى

ف الأول كده أحب أقول لسة راجعة من امتحان العربى والإستاتيكا
وهطمنكوا العربى زي الفووووول
الإستاتيكا بئا ادعولى اعدى فيها اللي حاطط امتحان الإستاتيكا غالباً مبيصليش🙂

شوفو كمان بقيت أعرف أحط GIF بعد 3 سنين على واتباد💃😂

نبتدى بصورة ل إسلام ف غلاف البارت بما إن البارت دا بإسمه، والله ساعات بحسه أجمل واحد ف الرواية كلها مش فاهمة ليه خليته سايكو 🙂

بارت أغلبه برعاية إسلام الدمنهورى ومن هنا ناس هتقول عليه كيوت وتتعاطف معاه 😒
بيصعب عليه بحسه كيوت ومظلوم🥺❤️
احم سوري ع الإنفصام نبدء ف موضوعنا
____________
____________
____________

فى الليل يجلس أحمد فى البلكونة أمامه طاولة يضع عليها بعض الكتب يضع قلمه بين أسنانه وهو يعقد ملامحه بإستغراب من المسائل التى يدرسها أغلق الكتب بضيق وهو يقول
" هستفاد إيه م القرف دا انا يعنى هستفاااد إيييييه"

زفر بضيب وهو يعقد ذراعه وينظر للشارع بعبوس إختفى تدريجياً بإبتسامة وهو يتذكر حديثه مع غادة بعدما خرجوا من الجامعة

كانت غادة تقف أمام أحد المطاعم تنتظره في الداخل وهي تدق على رقم ما لتستمع إلي

- رصيدك خلص بس الكلام لسة مخلصش إضغط واحد عشان ترن لأى رقم أو إتنين لإدفعلي شكرا ب عشر قروش أو تلاتة لكلمنى شكرا بعشر قروش ..... عفواً لم نـ...

هنا أغلقت الهاتف بضيق وهي تقول
" يعني دا وقته!"

أتى أحمد فى هذه اللحظة وبيده حقيبة ورقية بها بعض الأطعمة
أخرج لها سندويتش وهو يقول بإبتسامة
" خودي الشاوما اهي...بتحبي الكاتشب ولا المايونيز؟ "

" معاك رصيد؟ "

أجابها بإستغراب
" إيه علاقة الرصيد بالكاتشب؟! "

" ياااالهوى ع التأخر الذهني عايزة اتكلم ف التليفون ورصيدى خلص "

" هي مش كانت تخلف ذهنى!"

" وات إيفر هات موبايلك"

أحمد بغرور مرِح
" والله مش بالسهولة دى تمسكى موبايلى الواحد عنده أسرار وممكن تعرفى ثروتي كام "

" ثروة إيه يابو ثروة إنت يبنى مبتشتريش الشراب اللى هو التلاتة بعشرة ده غير فى العيد "

ضيق عينه وقال
" تصدقى مغلطتش لما سميتك بدادة..قال بتقول على نفسها شمس قال ياشيخة إنتى كسوف خسوف..بدادة إنما شمس تسء تسء تسء...خودي التليفون أهو اكمنى طيب بس "