Everyday, Demon Lord is Escaping His Marriage {MM Translation}

Chapter(1)

[Unicode]

ဟွားချဲ့ နှစ်ကြိမ်ချောင်းဟန့်လိုက်တယ်။ ကြီးမားကျယ်ပြန့်တဲ့ခန်းမအလွတ်ထဲမှာ သူ့ချောင်းဟန့်သံကပဲ့တင်ထပ်သွားတယ်။

သူ့ဘေးမှာအချိန်တော်တော်ကြာအောင်ဒူးထောက်ခစားနေတဲ့ကိုယ်ရံတော်ခမျာ အနည်းငယ်ပင်တုန်လှုပ်သွားရသည်။ ချွေးသီးချွေးပေါက်တို့ဖုံးလွှမ်းခံနေရသည့်မျက်နှာ၊ စိတ်ကျဉ်းကြပ်နေသောမျက်လုံးတို့ဖြင့်ကိုယ်ရံတော်ကဆိုသည်။

"ကျွန်ုပ်ရဲ့အရှင် သူတို့တိုက်ခိုက်မှုအပေါ်အခွင့်ကောင်းယူပြီး အမြန်လွတ်အောင်ပြေးရပါမယ်!"

အလင်းရောင်ကပိုလင်းထိန်နေတယ်လို့ ဟွားချဲ့ခံစားနေရတယ်။ သူလက်ဗလာနဲ့ ဖယောင်းတိုင်ရဲ့မီးတောက်ကိုဖိချေပြီး မီးလျှံတို့ကိုငြိမ်းသတ်လိုက်သည်။ သူနှေးကွေးစွာရွေ့လျားလိုက်သည့်အပြင် စစ်မှန်သည့်စွမ်းအင်ကိုအသုံးမပြုခဲ့သည့်အတွက် မီးတောက်ကသူ့လက်ဖျားထိပ်တို့ကိုနီရဲကာလောင်ကျွမ်းစေပြီးမှ ငြိမ်းသွားခဲ့သည်။

ဒါပေမယ့်လည်း ဟွားချဲ့ဂရုစိုက်မနေပဲ ဒူးပေါ်ကိုသာလက်တင်ထားလိုက်သည်။ သူမေးလိုက်သည်။
"ဘယ်ကိုထွက်ပြေးရမှာလဲ?"

"ဘယ်နေရာဖြစ်ဖြစ်အဆင်ပြေတယ် ဖန့်ချင်းနန်းတော်ခန်းမမှာသာထပ်မနေပါနဲ့တော့!"

ထိုအချိန်က အမတနယ်မြေတွေကို တစ်နေရာတည်းအဖြစ်စုစည်းလာပြီဖြစ်သည်။ ယွင်ထျန်ရွှယ်ကျင်၏ဦးဆောင်မှုဖြင့် ဖုန်းမင်တောင်ကြားနှင့် ရှမ့်ချင်းအမတဂိုဏ်းတို့ကအကူအညီပေးကာ နတ်ဆိုးဘုရင်ကိုအတူတူပူးပေါင်းတိုက်ခိုက်ခဲ့ကြသည်။

ခွန်းလွန်တောင်တန်းများမှ တောင်ဘက်တစ်လျှောက်သို့ခရီးထွက်လာခဲ့ကြရင်း နတ်ဆိုးကျင့်ကြံသူများကိုခေါင်းဖြတ်ခဲ့ကြကာ တစ်ယောက်ကိုမျှအသက်ရှင်ခွင့်မပေးခဲ့ပေ။ ဖန့်ချင်းနန်းဆောင်အပေါ် သူတို့ရဲ့တိုက်ခိုက်မှုဆိုပေမယ့် မရေရာလွန်းတဲ့မေးခွန်းတစ်ခုသာဖြစ်သည်။

ကိုယ်ရံတော်က အသက်ရှင်ကျန်ဖို့အခွင့်အလမ်းရှိရန် မသေချာတဲ့အကြောင်းသိနေပေမယ့်လည်း သူ့အရှင်ကိုနောက်ဆုံးတစ်ကြိမ်အတတ်နိုင်ဆုံးဖျောင်းဖြရန် မကြိုးစားပဲမနေနိုင်ခဲ့ပေ။
"စိမ်းလန်းတဲ့တောင်ကုန်းတွေရှိနေသေးသရွေ့ မီးလှုံဖို့သစ်သားမရှိမှာကိုကြောက်နေဖို့မလိုပါဘူး။ သားရဲဝိဉာဉ်ကမ္ဘာ ၊ ဒါမှမဟုတ် သရဲတောင်ကြား၊ အဲ့လိုမဟုတ်သေးရင်လည်း သေမျိူးတွေရှိတဲ့နယ်မြေအားလုံးကိုပုန်းရှောင်ဖို့သွားပါ။ ဒီလက်အောက်ငယ်သားအသက်ရှူ နေသေးသမျှ ကျွန်တော်မျိူးရဲ့အရှင့်ကိုသေသေချာချာကာကွယ်ပေးပြီး ဂရုစိုက်ပေးပါ့မယ်!"