[Unicode]
နံနက်ခင်းအတန်းချိန်အတွင်း ကျွမ့်ထျန်၏သင်ခန်းစာများသည် ကျင့်ကြံရေးအခြေခံဗဟုသုတအချိူ့ ကိုပြောကြားခြင်းဖြစ်သည်။ အကြောင်းအရာတွေကို တပည့်အသစ်လေးတွေအတွက် သတ်သတ်မှတ်မှတ်ပြုလုပ်ပေးထားကြောင်း သိသာထင်ရှားနေသည်။ ချူးပင်းဟွမ်နဲ့မုရုန်စတို့က ဒါတွေကိုလိုက်နားထောင်ဖို့မလိုတာကြောင့် ဒီသင်ခန်းစာများ၏ပစ်မှတ်များသည် ဟွားချဲ့နဲ့လင်းရန်ဖြစ်သွားခဲ့သည်။
တကယ်တော့ ဟွားချဲ့လည်းအဲ့ဒါတွေကိုနားထောင်ဖို့မလိုခဲ့ပေ။ ဒါကြောင့်အခြေခံအားဖြင့်ဆိုရသော် ဒီသင်ခန်းစာတွေက လင်းရန်အတွက်ဖြစ်သည်။
"ဒီလောကမှာ ကျင့်ကြံခြင်းအမျိူးအစားတွေက အများကြီးရှိကြတယ်။ အမတလမ်းစဉ်အတွက် ဓားကျင့်ကြံခြင်း၊ ဂီတသံစဉ်ကျင့်ကြံခြင်း၊ ကုသရေးကျင့်ကြံခြင်းနဲ့ သားရဲကျင့်ကြံခြင်းတွေရှိတယ်။ နတ်ဆိုးလမ်းစဉ်မှာဆိုရင်တော့ နတ်ဆိုးကျင့်ကြံခြင်းနဲ့ တစ္ဆေကျင့်ကြံခြင်းဆိုပြီး နှစ်နည်းပဲရှိတယ်။ တခြားကျင့်ကြံခြင်းအမျိူးအစားဆိုရင် နတ်ဆိုးသားရဲကျင့်ကြံခြင်းဆိုတာရှိတယ်။ အကယ်၍ သူတို့ကအမတလမ်းစဉ်ကိုကျင့်ကြံနေတုန်း နှလုံးသားမှာကောင်းမွန်ဖြူ စင်တဲ့အကျင့်ရှိမယ်ဆိုရင် သူတို့တွေကမှန်ကန်တဲ့လမ်းစဉ်လိုက်သူအဖွဲ့ဝင်တွေဖြစ်ကြမယ်။ တကယ်လို့သာ သူတို့ကလူသတ်တာကိုသဘောတွေ့ပြီး သွေးဆာနေကြမယ်ဆိုရင်တော့ သူတို့တွေကိုနတ်ဆိုး/ မကောင်းဆိုးဝါးတွေလို့သတ်မှတ်ယူဆရမယ်"
ကျွမ့်ထျန်က ဆက်ပြောသည်။
"ဖြောင့်မတ်မှန်ကန်ခြင်းနဲ့ ဆိုးသွမ်းခြင်းဆိုတာ အတူတူမတည်ရှိနိုင်ပေမယ့်လည်း မသေမျိူးတွေနဲ့နတ်ဆိုးတွေရဲ့ကွာခြားချက်ကို တစ်ခါတလေအတွေးအခေါ်လေးတစ်ခုနဲ့သတ်မှတ်လိုက်လို့ရတယ်။ မင်းတို့တွေ အဲ့ဒီမျဉ်းကိုလုံးဝမကျော်စေနဲ့"
"အခုဆိုရင် အမတဂိုဏ်းတိုင်းမှာ သူတို့ရဲ့ကိုယ်ပိုင်အထူးစွမ်းရည်ကျွမ်းကျင်တွေရှိနေကြပြီ။ ရှမ့်ချင်းအမတဂိုဏ်းက ဓားကျင့်ကြံသူတွေ၊ ယွင်ထျန်ရွှယ်ကျင်မှာအများစုက ကုသရေးကျင့်ကြံသူတွေ၊ ယဲ့ရော်ရှန့်ဂိုဏ်းက ဂီတသံစဉ်ကျင့်ကြံရေးမှာအထူးကျွမ်းကျင်ပြီး ဖုန်းမင်တောင်ကြားဟာ အဓိကအားဖြငိ့သားရဲကျင့်ကြံခြင်းကိုကျင့်ကြတယ်"
YOU ARE READING
Everyday, Demon Lord is Escaping His Marriage {MM Translation}
Historical FictionType : Web Novel (CN) Language : Chinese Associated Names : 魔尊每天都在逃婚 Author(s) : Nine Treasures 玖宝 Year : 2020 Status in COO : 60 Chapters + 1 Extra (Complete) This Story is not mine. I'm just a translator. Give all credits to the original author an...
