Everyday, Demon Lord is Escaping His Marriage {MM Translation}

Chapter(3)

[Unicode]

ယွင်ထျန်ရွှယ်ကျင်မှထွက်လာပြီးသည်နှင့် ဟွားချဲ့တစ်ကိုယ်လုံးလေထဲမြောက်တတ်လုမတတ် လွတ်လပ်ပေါ့ပါးနေခဲ့သည်။

အခု သူပြန်မွေးဖွားလာပြီဆိုမှတော့ ချူးပင်းဟွမ်ကိုထပ်တွယ်ကပ်နေမှာမဟုတ်တော့ဘူး။ ဒါက သူတို့နှစ်ယောက်လုံးကို နာကျင်မှုနဲ့ဝေဒနာများစွာခံစားရမှုက ကယ်တင်ပေးလိမ့်မည်။

သူ့အရင်ဘဝတွင် ဟွားချဲ့သည် ချူးပင်းဟွမ်ကိုအရူးအမူးဖြစ်ခဲ့သည်။ မြင်မြင်ချင်းဖြစ်ပေါ်လာခဲ့သည့် သူ့အချစ်မှစ၍ နှစ်ဦးအပြန်အလှန်ဆက်သွယ်မှုများတိုးများလာကာ အစွန်းရောက်စိတ်တစ်ခုအတွက်နဲ့ သေဆုံးခြင်းသာဖြစ်ပေါ်လာခဲ့ရသည်။

ချူးပင်းဟွမ်ကိုရဖို့ ဟွားချဲ့သူ့ကိုအရှင်ဖမ်းပြီး ကျင့်ကြံခြင်းအဖော်လုပ်ဖို့ ထိုလူကိုဖိအားမပေးခင် နတ်ဆိုးနယ်မြေတွင်အကျဉ်းချထားခဲ့သည်။ သူ၏နက်ရှိုင်းလှသည့်ကိုယ်ပိုင်ကျင့်ကြံခြင်းသည် အလွန်သန်မာသည့်အလျောက် ဟွားချဲ့သည် ထိုလူနှစ်သက်မည့်အရာမှန်သမျှအားလုံးကိုပြုလုပ်ခဲ့သည်။

အတိတ်မှာတော့ သူကတရားမဝင်ရခဲ့သည့်ကလေးတစ်ယောက်သာဖြစ်သည်။

ချူးပင်းဟွမ်သာ လိုလိုလာလားဖြစ်ခဲ့မယ်ဆိုရင် ကောင်းမှာပဲ။ ဒါပေမယ့်လည်း ဒီလူကခံစားချက်မဲ့ပြီး အချစ်အတွက်စိတ်မပါပဲ ရိုးရိုးသားသားဖြင့် အဖြူ စင်ဆုံးသာရှင်သန်နေထိုင်ခဲ့သည်။ သူ့မှာခေါင်းမာပြီး ဇွတ်တရွတ်ဆန်တဲ့အကျင့်လည်းရှိသေးသည်။

သူ့ဘေးကို ဟွားချဲ့လာထိုင်လျှင်တောင် သူ့ဘာသာသူစတင်ရွေ့လျားသွားခဲ့ပြီး ချူးပင်းဟွမ်သည် သူနှင့်ပူးပေါင်းခြင်းထက် သေဖို့ကိုသာရွေးချယ်လိမ့်မည်။ သူ့ကိုယ်သူသတ်သေဖို့ ကိုယ့်လျှာကိုယ်ပြန်ကိုက်တဲ့အရှက်အကြောက်ကြီးလွန်းသည့်အမျိူးသမီးတစ်ယောက်လိုပင်ပြုမူခဲ့သေးသည်။

ဟွားချဲ့ဘယ်လောက်ပဲစွဲလန်းနေသည်ဖြစ်စေ သူကိုမှမလုပ်ရဲဝံ့ခဲ့ပေ။

ချူးပင်းဟွမ်သည် သူ့တံခါးဝအထိတည့်တည့်ကြီးလာပို့ပေးသည်ကိုပင်မလိုချင်ခဲ့ပဲ ထိုအရာကပင် သူ့ကို ချူးပင်းဟွမ်ဘယ်လောက်မုန်းနေကြောင်းသိသာခဲ့သည်။