Everyday, Demon Lord is Escaping His Marriage {MM Translation}

Chapter(4)

[Unicode]

ဟွားချဲ့အသက်အောင့်ထားမိလိုက်သည်။

သူ့ကြိုတင်သတိပေးချက်အရ သူနဲ့ချူးပင်းဟွမ်တို့တွေ့ဆုံနေသမျှကာလပတ်လုံး သူတို့ဘဝအကြား ဖြတ်လမ်းတစ်ခုဖန်တီးနေသရွေ့ သူ့ကိုဟွားချဲ့၏ဘဝထဲမှ တစ်သက်လုံးဖယ်ရှားနိုင်တော့မည်မဟုတ်ပေ!

သူ့အရင်ဘဝတုန်းက ချူးပင်းဟွမ်နဲ့ဟွားချဲ့တို့ရဲ့တွေ့ဆုံမှုဟာ မတော်တဆသာဖြစ်သည်။

အဲ့ဒီအချိန်တုန်းက အမတရှမ့်ချင်းဂိုဏ်းကို ဟွားချဲ့ထွက်ခွာလာခါစဖြစ်သည်။ သူဒီလမ်းတွေကိုအကျွမ်းတဝင်မရှိတဲ့အတွက် လမ်းမေးရန် ညီအစ်ကိုနှစ်ယောက်ကိုသူရှာတွေ့ခဲ့သည်။

ဒါပေမယ့်လည်း ဒီညီအစ်ကိုနှစ်ယောက်ရဲ့အပြင်ပန်းဟာ နူးညံ့ငယ်ရွယ်တဲ့ပညာရှင်လေးတွေလိုပေါ်လာကြပေမယ့် တကယ်တမ်းတော့ သူတို့ဟာလူလိမ်များသာဖြစ်သည်။ ဟွားချဲ့ရဲ့အသွင်ကိုသူတို့မြင်လိုက်တဲ့အချိန်မှာ ချက်ချင်းပဲ သူတို့ရဲ့အကျင့်ပျက်ယိုယွင်းနေတဲ့အတွေးကိုမွေးဖွားပစ်ခဲ့သည်။

ဒါပေမယ့် ဟွားချဲ့မှာတော့ သူ့မိခင်၏ကံဆိုးမှုကြောင့် သူ့ရဲ့ကလေးဘဝတစ်ခုလုံး အနီရောင်နယ်မြေမှာကျင်လည်ခဲ့ရမှုအပေါ် ကျေးဇူးတင်မိခဲ့သည်။ ဘဝအဆင့်အမျိူးမျိူးက လူအများအပြားကိုသူတွေ့ဖူးခဲ့ပြီးဖြစ်တဲ့အတွက် ဒီညီအစ်ကိုနှစ်ယောက်ရဲ့အတွေးတွေကို သူပထမဆုံးတစ်ချက်ကြည့်လိုက်ရုံနဲ့တင် အားလုံးသိမြင်နိုင်ခဲ့သည်။

သူတို့၏ကိုယ်ပိုင်ကစားပွဲတွင် ထိုလူများကိုကောင်းကောင်းအနိုင်ယူပစ်မည်ဟု ဟွားချဲ့ဆုံးဖြတ်ခဲ့သည်။ သူတို့နှစ်ယောက်၏စားစရာ၊ သောက်စရာနှင့်နေစရာနေရာတို့ကို လှည့်ဖြားယူကာ ပတ်ဝန်းကျင်တွင် သူတို့နှစ်ယောက်လုံး လက်လွတ်ခွက်ချွတ် ပတ်ပြေးနေသည်အထိ သူတို့ကိုလိမ်လည်အဆုံးသတ်ခဲ့သည်။ ကျန်းဟူအဖွဲ့ရဲ့ ညီအစ်ကိုနှစ်ယောက်လုံး ပြောမပြနိုင်တဲ့ဒုက္ခတွေကြုံတွေ့သည်အထိ ဟွားချဲ့ကသူတို့ကိုလှည့်စားခဲ့သည်။

နောက်ဆုံးတွင် ထိုညီအစ်ကိုနှစ်ယောက်သည် သူတို့နှင့်အတူလိုက်ကစားနေကြောင်းသိရှိသွားကြကာ အင်အားသုံးဖို့ဖြစ်လာကြသည်။ သို့သော် ထိုအချိန်တွင် ဟွားချဲ့ထွက်ပြေးဖို့အဆင်သင့်ဖြစ်နေကာ အလွန်တိုက်ဆိုင်စွာဖြင့် ချူးပင်းဟွမ်၏ရင်ခွင်ထဲပြေးဝင်မိသွားခဲ့သည်။ တခြားလူငယ်တွေက အိမ်ငယ်လေးထဲကိုဝင်ခါစပဲရှိသေးသည်။