
រសជាតិស្នេហ៍ព្រាននារី
ភាគទី១៥: សារភាពស្នេហ៍
ឆាកក៏បានកាត់មកដល់ស៊ុងហុនដើរចូលក្នុងបន្ទប់ដើម្បីរកជេក គេដើររកមួយសន្ទុះទើបឃើញថាសាមីខ្លួនកំពុងអង្គុយនៅក្បែរអាងងូតទឹកទាំងខ្លួនទទឹកជោគ ដោយឃើញស៊ុងហុនបែបនោះជេកក៏ប្រញាប់ស្ទុះស្ទាឡើងឈរវិញ
« លោកចូលមកទីនេះបានយ៉ាងម៉េច »
ជេកគេរហ័សសួរព្រោះគេកំពុងឆ្ងល់ហេតុអ្វីស៊ុងហុនចូលមកនៅក្នុងបន្ទប់នេះបានយ៉ាងម៉េច
« គឺដើរចូលមកនិងហើយ ឃើញថាទ្វារមិនបានចាក់សោ មានរឿងអ្វីមែនទេបានជាទទឹកខ្លួនជោគបែបនេះ មើលចុះសើមខោអាវអស់ហើយ ប្រយ័ត្នផ្ដាសាយ »
ស៊ុងហុនគេនិយាយទាំងសម្ដីផ្អែមនិងយកចិត្តទុកដាក់ បារម្ភអ្នកនៅចំពោះមុខ គេថែមទាំងយកកន្សែងដើរចូលមកជូតសក់ក្បាលឲ្យជេកថែមទៀតផង
ឃើញដូចនេះជេកដែលកំពុងតែទន់ខ្សោយចង់រកនរណាម្នាក់មកកំដរក៏ចូលទៅអោបផ្អែកក្បាលនិងស្មាស៊ុងហុនជាប់ហាក់បីដូចមនុស្សដែលនឹកនាគ្នាបែកគ្នារាប់ឆ្នាំចឹង អ្នកដែលត្រូវគេឪបក៏មិនជាថាអ្វីដែរថែមទាំងយកដៃអង្អែលក្បាលជេកថ្នមៗប្រៀបដូចឪពុកអង្អែលក្បាលកូន
« មានរឿងពិបាកចិត្តមែនទេ »
សភាពជេកគេអាចស្មានបានថាប្រាកដជាមានរឿងលាក់នៅក្នុងចិត្តច្រើនយ៉ាងណាស់គ្រាន់តែគេមិនប្រាកដថាជារឿងអ្វី ត្បិតថាជេកជាមនុស្សងាយស្រួលចូលក្បែរ ប៉ុន្តែចំពោះរឿងផ្ទាល់ខ្លួនបើជេកមិនព្រមហើបមាត់ទោះសួរដល់ងាប់ទៀតចម្លើយគឺនៅតែមិនប្រាប់ដដែល
« គ្មានអ្វីទេ »
បីម៉ាត់យ៉ាងខ្លីតែក៏បង្កប់ន័យនៅអារម្មណ៍សោកសៅចូលមក
« បើមិនចង់និយាយក៏មិនអីដែរ ខ្ញុំអាចរង់ចាំបាន »
« ស៊ុងហុន!! »
ស្ងាត់មួយសន្ទុះជេកក៏ចាប់ផ្ដើមនិយាយឈ្មោះគេឡើងមកដល់ថ្នាក់ម្ចាស់ឈ្មោះក៏យល់ថាវាចម្លែកដែរ
« មានអ្វីមែនទេ »
« ខ្ញុំគិតថា... ... » ស្ងាត់បន្តិចទើបនិយាយបន្ត « ខ្ញុំស្រលាញ់លោកហើយ »
YOU ARE READING
💋រសជាតិស្នេហ៍ព្រាននារី💋
Fanfiction🔥រសជាតិស្នេហ៍ព្រាននារី🔥 សាច់រឿងយើងផ្ដើមចេញពី ជេក កម្លោះតូចយើងដែលមើលមកគេ សុភាពៗ ស្លូតៗ ហើយក៏ចិត្តល្អនោះ ត្រូវបានគេនាំគ្នាធ្វើបាប នៅថ្ងៃមួយគេក៏ត្រូវបានមានរឿងមកជាប់ជំពាក់ជាមួយស៊ុងហុន កម្លោះព្រាននារីយើងនេះឯង។ បើចង់ដឹងសាច់រឿងនិងទៅជាបែបណាកុំភេ្លចតាមដានទ...
