𝐖 𝐇 𝐎 𝐋 𝐄 .. [Cᴏᴍᴘʟᴇᴛᴇᴅ]

Part-21

ရှောင်းကျန့်က ရိပေါ့်ကိုချစ်ပါတယ်တဲ့..

ပြဿနာတွေပြီးတဲ့အခါ အချစ်တွေပြန်လည်ဖြစ်ပေါ်ဖို့ထိုက်တန်ပါတယ်..ရှောင်းကျန့်တို့ချစ်နေကြပြီ။ LAရဲ့ညနေရူခင်းကို တစ်စုံတယောက်ကိုရင်ခွင်ထဲထည့်ပြီးကြည့်နေရတာလောက် ပျော်ဖို့မကောင်းလောက်ဘူး...။

"ကျွန်တော် ဒီကိုဘာလို့လာလဲ ကောမမေးသေးဘူး"

"အကြောင်းရှိလို့ပါ"

ရင်ခွင်ထဲက ခေါင်းလုံးလုံးလေးက သူ့ကိုမော့ကြည့်ပြီးဖြေလာတယ်။ အဖြေရပြီးနောက်ပိုင်း ကောက ရိပေါ့်ကိုသိပ်ချွဲလာတ
ယ်။

"အင်း ပြိုင်ပွဲရှိလို့ ကောကရော"

"ပြခန်းကိစ္စအတွက် ဒီကိုရောက်နေတာ"

"ကောကောက နာမည်ကျော်ကြီးဖြစ်နေပြီပဲ"

"အဲ့လောက်မဟုတ်သေးပါဘူးကွယ်"။

စကားစုတစ်စုရဲ့အဆုံးသတ်တွေမှာ 'ကွယ်'ဆိုတဲ့စကားလေးတွေသုံးတဲ့ကောက အဖိုးအိုသေးသေးလေးလိုပဲ...သူ့မှာချစ်ရလွန်းပါသည်။

"ဘာစားစရာရှိလဲ"

"ကော ရိက္ခာတော့၀ယ်ထားတယ်"

"ကျွန်တော်သွားကြည့်လိုက်မယ်"

အခုရိပေါ်က ကျန့်ကောရဲ့LAမှာခဏငှားနေတဲ့အိမ်လေးကိုရောက်နေတာပင်...အဖြေရပြီးတည်းက ကောအနားမှာခွဲမနေချင်တဲ့သူက ပိုပြန်ပြီလို့ ကောစီကနေလည်းအပြောခံရသေးသည်။

ရေခဲသေတ္တာထဲကိုဖွင့်ကြည့်တဲ့အခါ ကြက်ဥတစ်ကဒ်နဲ့ အသားပြားအနည်းငယ်...နံနံပင်တစ်စည်းအပါအ၀င် အရွက်အနည်းငယ်တော့ရှိသည်။ မှန်ဗီရိုလေးကိုမျက်လုံးရောက်မိတော့ ကောနဲ့သူဟယ်လင်မှာစားနေကြ ရယ်ဒီမိတ်‌ခေါက်ဆွဲထုတ်လေးတွေ၀ယ်ထားတာ သုံးထုပ်လောက်ရှိမည်။
ကော်ဗီဘူးတွေတော့၀ယ်ထားပုံရသည်။အများကြီး ပြီးရင် ဆုံးမရပါဦးမည်။ ကော်ဖီတွေအများကြီးမသောက်ဖို့...

"ကော အသားပြားကြော်လိုက်မယ် အား၀မ်"

ရင်းနှီးနေတဲ့အသုံးအနှုန်းလေး ခေါ်လိုက်တဲ့ကောကြောင့် သူ့မှာပျော်ရသည်။