Just A Fan Of Yours (Fan Series #1)

Chapter 3

Chapter 3

SAMANTHA'S POV

Pagkauwi sa bahay 'agad na binalita ko kila Mama ang pagkakatanggap ko sa trabaho. Kagaya ng inaasahan ko ay proud na proud at masayang masaya sila sa akin. Ngunit ang pinakamarami talaga sa aking magtanong ay si Liv.

"Liv, tantanan mo nga muna ang Ate Sam mo. Kita mong di pa nga 'yan nakakapagmeryenda! Ito puro crush crush na naman ang inaatupag. Maghugas ka na nga ng mga pinagkainan niyo do'n." sita sa kanya ni Mama. Kaya napapakamot naman ito sa ulo niya bago dumiretso sa kusina.

"Ma, naman kalmahan niyo lang. 'Di naman ako gano'n kapagod." Syempre 'di ba? Umuwi na nga akong tanggap sa trabaho may bonus pang kindat ni Harvin.

Jusmee, favorite ata ako ni Lord kasi nang dahil kay Harvin kaya ginusto kong mag-apply sa kumpanya nila. Nang dahil kay Harvin kaya rin ako natanggap sa trabaho. Lucky charm ko na ata ang poging 'yon!

"Ate, nginingiti mo sobra na 'yong gatas ng champorado mo!" naalarma ako sa sigaw ni Yowana.

At tama nga siya, umapaw na ang evaporada sa mangkok ko. Sakto ring kabababa lang ni Ate Winter, bagong ligo. Natatawa itong umiiling sa 'kin bago umupo sa tabi ni Yowana.

"Sis, ano na 'yan? Aftershock pa rin ba nang pagkikita niyo ni Harvin?" tawa ni Ate Winter pagkatapos sumubo ng champorado.

Umalis muna ako para kumuha ng pamunas sa kusina. Agad rin naman akong nakahingi dahil binigyan ako ni Livana. Si Mama ay wala na rito dahil pinuntahan niya si Papa sa talyer. Paniguradong dinalhan nito si Papa ng meryenda. Ang sweet talaga nila sa isa't isa. Sana all, when kaya tayo Harvin 'no?

"ATE SAM!" parang timang na tili na naman ni Liv papunta sa gawi namin.

"Ano?"

"Tingnan mo 'to! Nagv-live ang OT7s. Waaaaah"

"Ano ba 'yan Ate Liv, akala ko naman kung may ahas na sa kusina. Ang ingay talaga." yamot na saad ni Yowana tsaka binitbit na ang mangkok papuntang kusina.

"Naman mga crush ko e. Ikaw nga parang 'di kinikilig kay c--" pinutol na siya ni Yowana.

"Weyy, tigil na Tyler." Agad namang tumahimik si Liv at umirap na lang kay Yowana. Si Tyler kasi ang dating crush ni Liv at ayaw niyang marinig na nasasali ito sa usapan.

"Uy, sino 'yan na nasa gitna? Hala, gwapo 'yan oh! Iyan rin, iyong isa pa. Anong pangalan niyan?" nagulat kami ni Liv nang nakidungaw si Ate Winter habang nanonood kami ng v-live.

"Alin Ate Winter Levity Meneces? Hmm, pakituro nga ulit baka magmula sa araw na 'to OTceans ka na rin." galak na galak na ani ni Liv kay Ate.

"Psh, sabi ko lang gwapo sila. Loyal ako kay V, noh? Army lang ito." buong kumpyansang saad pa nito sa 'min.

"Talaga? Sabi ng babae na nagtatanong ng mga pangalan sa OT7s." ngumisi ako matapos sabihin iyon.

"E-Eh kasi, basta ba't ba kasi ayaw niyong sabihin mga pangalan nila! Ang big deal sige pa-mine na rin ako do'n sa nagugustuhan ko."

"Ayieee, sabi na e. Si Ate talaga halata namang may gusto rin sa OT7s" tinusok ni Liv ang tagiliran ni Ate Winter. Pero nang titigan siya nito ng masama ay tinigil niya rin.