𝙏𝙝𝙚 𝙎𝙡𝙮𝙩𝙝𝙚𝙧𝙞𝙣 𝘽𝙖𝙙 𝘽𝙤𝙮🐉

23| It's called love

The Slytherin Bad Boy 🐉

-Chapter 23-

" අප්පේ කෙල්ලගෙ මූණෙ හැඩ, රෝස මලකට පිණි බින්දු වැටිලා වගේ..."

උදේ පාන්දරම තිබ්බ මායා ඉතිහාසය පීරියඩ් එකෙන් පස්සෙ y/n එයාගෙ යාළුවො රොත්තත් එක්ක කතා කර කර කොරිඩෝවක් දිගේ ඉස්සරහට යමිනුයි හිටියෙ...

ඊයෙ රෑ උනු සිද්දියෙන් පස්සෙ y/nට හරියට නිදාගන්නවත් බැරි උනේ ආදරණීය හැඟීම් හදවත උතුරමින් තිබ්බ නිසා. එහෙම වෙලත් අද උදේ y/n හිටියෙ සතුටින් පිරුණු උද්‍යෝගිමත් මූණකින්...

" ඇයි මට එහෙම ඉන්න බැරිද? "Y/n සතුටින් පිරුණු මූණකින් අහද්දි යාළුවො හැමෝම යන්තමට හිනාවුණා.

" බෑ කිව්වෙ කවුද බන්....මින් යුංගි මොකක් හරි සප්‍රයිස් එකක් දීලා වගේ, ඒකනෙ ඔහොම තනියමත් හිනාවෙන්නෙ...ඒක දැනගන්න ආසාවට එහෙම කිව්වෙ ඉතින්..."

Y/n හැරෙද්දි යාළුවො දන්නවා ගොනා හැරෙන්න පොල් පැලේට කියලා. නැත්නම් ඔහොම තක්කෙටම ඕවා කියන්නෑ...y/n ඒකට හිනාවෙලා නිශ්ශබ්ද උනත් y/nගෙ හදවතනම් ගොඩක් දොඩමළු වෙලයි තිබ්බේ...

එතකොට මේ මින් යුංගි...

යුංගිත් සතුටින් පිරුණු මූණකින් y/n පස්සෙන් යන යන හැම තැනම වගේ පිස්සුවෙන් ගියා...ඇත්තටම ඕක කවුරුහරි බලන් හිටියනම් හිතන්නෙ යුංගි Amortentia එකක් ගිලලා කියලා...

යෞවනය හරිම සංකීර්ණයි, ඒ හදවත් පිවිතුරුයි...
සතුටක් ලැබුනාම පිස්සුවෙන් වගේ ඒ සතුටෙම ඇලිලා ඉන්නවා. දුකක් ලැබුනාම පිස්සුවෙන් වගේ දුකේම ඇලිලා ඉන්නවා...
වයසින් වැඩුනට පස්සෙයි එයාලට ඒක තේරෙන්නෙ...

_______________

දවල් වෙනකන්ම තිබ්බ පන්තිත් එක්ක යුංගියි y/nයි බිසී උනත් දවල් කෑමෙන් පස්සෙ y/nට කරන්න තරම් වැඩක් තිබ්බෙ නැහැ. යුංගි රුනේවරුන් අධ්‍යනය පීරියඩ් දෙකකට අකමැත්තෙන් උනත් සහභාගි වෙන්න යද්දි y/n ලයිබ්‍රි එක පැත්තට අඩි තිබ්බා...

ලයිබ්‍රි එකට යන්න කියලා පඩිපෙල නැග නැග හිටපු y/n එකපාරම නැවතුනේ පඩිපෙල මාරුවෙන්න ගත්තු නිසයි. හොග්වාස්ට් පඩිලවල් කොහොමත් එහෙමනෙ...තදින් අත්වැල අල්ලගෙන ටිකවෙලාවක් බලන් හිටපු y/n පඩිපෙල එක්තැන් උනාම අලුත් කොරිඩෝවකට පය තිබ්බා...