Unicode
၂|.ခေါက်ရိုးကျိုးဆဲ..စာမျက်နှာ
အချိန်မှာကား နံနက်ဆယ်ချက်တီးဖြစ်၏။
မြို့အုပ်မင်းမှာ ယမန်နေ့များက မြို့သို့သွားရ၍ သည်ကနေ့မှ ရုံးတက်ရသည်။သူကြီးမင်းကပင် အခွန်တော်ငွေစာရင်းများနှင့်အလုပ်ရှုပ်နေရမည်
ကို မြို့အုပ်မင်းဆီသို့ ဆိုက်ဆိုက်မြိုက်မြိုက်
ရောက်ချလာခဲ့တော့သည်။
"ဆိုပါအုံးလေ..သူကြီးက ကျုပ်ဆီရေးကြီးသုတ် ပျာရောက်လာရတာ ဒီနယ်ဝန်းကျင်မှာ အချင်း
များဖြစ်ကြလို့လား"
"ဒီလိုပါဘုရား.."
သူကြီးမင်းက စကားပလ္လင်ခံကာ ဘုရားဟုထူး
လာလျက် မြို့အုပ်မင်း၏မျက်နှာ၌ မနှစ်ခြိုက်
ဟန်များက ပေါ်လာ၏။တည်သော၊တင်းသော
မြို့အုပ်မင်း၏ မျက်နှာခန့်ခန့်ချောချောအား
သူကြီးမင်းကတွေ့ချေတော့ လွှတ်ခနဲ သူပြောမိ
လိုက်သည်ကိုလည်းသိချေတော့ပြီ။
သက်ကြီးရွယ်အိုများက ဘုရား၊ဘုရားနှင့်ထူးပါ ပြောပါက မြို့အုပ်မင်းက စိတ်ဆိုးတတ်သေးသည်။
"သူကြီး..ကျုပ်ပြောထားတာကို ခဏခဏမေ့
တတ်ပါကလား"
"ခွင့်လွှတ်ပါဘုရား..အဲလေ..မြို့အုပ်မင်းရယ်၊
ကျုပ်လည်း မြို့အုပ်မင်းအရှေ့က မြို့အုပ်မင်း
ဦးစိန်မောင်ကိုလည်း ဒီလိုပဲထူးခဲ့လို့၊ပါးစပ်မှာစွဲနေတာပါဘုရား အဲလေ..အဲလေ.."
ထိန်းပါလျက်နှင့်၊သတိပေးပါလျက်နှင့် ပြောရင်း
ဆိုရင်း ဘုရားဟုဆိုမိပြန်သည်။သူကြီးမင်း၏ မျက်နှာကြီးက ငိုချင်ချင်ဆိုသလိုပင် ဖြစ်၍လာ
ချေတော့ မြို့အုပ်မင်းမှာ သူ၏မျက်နှာထား
တည်တည်အား လျှော့ချကာ ရယ်ရပေတော့သည်။
"ထားပါတော့..ကျုပ် သူကြီးကို အပြစ်မဆိုပါဘူး။နို့..လာရင်းကိုသာ ဆက်ပါအုံးလေ"
ထိုမှ သူကြီးက ဆေးတံကိုတစ်ချက်မျှ သောက်ရှူလျက် လာရင်းကိစ္စရပ်အား ဆက်ရတော့သည်။
"မြို့အုပ်မင်းရောက်လာကတည်းက ခိုးမှု၊
ဓားပြမှုတွေ မရှိသလောက် ပပျောက်သွားတာ
လည်း ကျုပ်တို့သိပါရဲ့၊လူမိုက်ကြီးတွေလည်း လိမ္မာကုန်ကြတာ မြို့အုပ်မင်းရဲ့ သညာပေးမှု
ကြောင့်ဆိုတာလည်း ကျုပ်တို့သိပါရဲ့။
ESTÁS LEYENDO
ခေါက်ရိုးကျိုးဆဲ..စာမျက်နှာ( ေခါက္ရိုးက်ိဳးဆဲ..စာမ်က္ႏွာ)[Completed]
Romance❦{Own Creation}❦ Unicode+Zawgyi ဒုက္ခခပ်သိမ်းချုပ်ငြိမ်းရာ မောင့်ရဲ့နိဗ္ဗာန်ဘုံဟာ သက်လျာပါကွယ်။ AN-စိတ်ကူးယဉ်ရေးသားမှုဖြစ်ပြီး၊ထိုခေတ်ထိုအခါ နှင့်မကိုက်ညီမှုများ ပါဝင်နိုင်ပါသည်။Parallel World အဖြစ်သာ သဘောထားပေးပါ။ ဒုကၡခပ္သိမ္းခ်ဳပ္ၿငိမ္းရာ ေမာင့္ရ...
![ခေါက်ရိုးကျိုးဆဲ..စာမျက်နှာ( ေခါက္ရိုးက်ိဳးဆဲ..စာမ်က္ႏွာ)[Completed]](https://img.wattpad.com/cover/292414028-64-k227990.jpg)