ခေါက်ရိုးကျိုးဆဲ..စာမျက်နှာ( ေခါက္ရိုးက်ိဳးဆဲ..စာမ်က္ႏွာ)[Completed]

စာမျက်နှာ-(၁၃)|Uni+Zaw|

Unicode

၁၃|.ခေါက်ရိုးကျိုးဆဲ..စာမျက်နှာ

မြန်မာနှစ်-၁၂၉၁ခုနှစ်၊နတ်တော်လဆုတ် (၅)ရက်။
၂၀.၁၂.၁၉၂၉(သောကြာနေ့)

ရန်ဂွန်း(Rangoon)မြို့တော်ရှိ မောင်ဂိုမာရီလမ်း။

~~~~~~

ဖို့ဒ်မော်တော်ကားတစ်စီးမှာ'မောင်ဂိုမာရီလမ်း' အတိုင်း မောင်းနှင်လာနေ​သည်။များမကြာမီ
ခြံကြီးတစ်ခြံအရှေ့သို့ ရောက်ကြမည်လည်း
ဖြစ်သည်။

"စိန်မဟာမြိုင်"
"ဝတ်လုံဦးမြတ်သန့်"ဟု ဘာသာနှစ်မျိုးဖြင့်
ရေးထိုးထားသော ဆိုင်းဘုတ်နှစ်ခုအား ဆင့်၍
ချိတ်ထားသည့် တံခါး​၏အုတ်တိုင်မျက်နှာစာ၌
ထိုဖို့ဒ်မော်တော်ကားမှာရပ်တန့်လျက် ဟွန်းတစ်
ချက်ပင်တောက်လိုက်​သည်။

ပွင့်ဟလာသော ခြံ​၏တံခါးချပ်ကြီးကိုပင်မြင်
ရလျှင် မော်တော်ကားအား မောင်းနှင်လာသူ
ငွေမောင်က ခြံထဲသို့ပင်ဆက်ကာမောင်းဝင်သွား
တော့သည်။စင်ဝင်အောက်သို့မောင်းဝင်လာပြီး
လျှင် ကားစက်ကိုသတ်ကာရပ်လိုက်ပါက အိမ်ထဲ
မှထွက်ကြိုလာသူမှာ အသက်လေးဆယ်ကျော်
ဝန်းကျင်အရွယ် အမျိုးသမီးကြီးသာဖြစ်သည်။

"ဒီကနေ့ရောက်တာ နောက်ကျသလားလို့"

ထိုအမျိုးသမီးကြီးက စကားဆို​၏။
မော်တော်ကားပေါ်မှဆင်းလာသူ သန့်မောင်က
တော့ တည်ငြိမ်သောမျက်နှာထားဖြင့် မိခင်ဖြစ်သူဒေါ်စိန်အမာထံသို့ ဦးစွာအကြည့်များပေးလျက် ပြန်စကားဆို​လာပေသည်။

"ခါတိုင်းထွက်လာနေကျအချိန်ထက် နောက်ကျ
ပြီးမှထွက်လာဖြစ်လို့ပါ"

သန့်မောင်က သည်လောက်သာဆိုလျက် အိမ်ထဲ
သို့ဝင်​၏။အိတ်များကိုပင် အိမ်အကူများက
မော်တော်ကားပေါ်မှ သယ်သူကာ အပေါ်ထပ်ရှိ
အိပ်ခန်းအတွင်းသို့ပင် သွားထည့်နေကြတော့ သည်။ငွေမောင်က အနောက်မှလိုက်ဝင်လာရင်း သန့်မောင်​၏ဘေး၌ဝင်ထိုင်လာသည်။
ဒေါ်စိန်အမာမှာကား မျက်နှာချင်းဆိုင်ခုံ၌
ဝင်ထိုင်လာတော့​သည်။

"ငွေမောင်..မင့်အစ်ကိုကြီးရဲ့ဇနီးလောင်းက
အေစကော့ဘိလပ်ရည်ပုလင်းတွေဝယ်လာပေး
တယ်ကွဲ့"