Episode 21
Unicode Version
" ဒေါက် ဒေါက် "
ဂုဏ်မြင့်ဟိဏ်း အိပ်လို့ကောင်းနေတုန်း တံခါးခေါက်သံခပ်ပြင်းပြင်းကြောင့် နိုးလာလေသည်။ တံခါးသွားဖွင့်ပေးလိုက်တော့ သုတနိုင်ဖြစ်နေသည်မို့ အခန်းထဲဝင်ခိုင်းလိုက်ကာ ဟိဏ်းလည်း မွေ့ယာပေါ်ပြန်လှဲလိုက်သည်။
သုတနိုင် မနက်ကတည်းက အခန်းထဲ အစ်ကိုသော်ဝေအောင်ကို မတွေ့လို့ စိတ်ပူနေတာပင်၊ အစ်ကိုသော်ဝေအောင်က ဟိဏ်းအခန်းထဲမှာ အိပ်နေတာကြောင့် ဟိဏ်းရဲ့အခန်းထဲရောက်တော့မှပဲ စိတ်အေးရတော့သည်။
" ငါ့မှာတော့ မနက်ခင်းသတင်းကြားပြီး အစ်ကိုသော်ဝေအောင်ပျောက်နေလို့ စိတ်ပူနေတာ၊ မင်းတို့က အေးဆေးနှပ်နေတယ်ပေါ့၊ စာလေးဘာလေးတောင်မပို့ထားဘူး၊ ငါညက အခန်းတံခါးတောင်လော့ခ်မချပဲ အိပ်တာကွ "
" ညကနက်သွားလို့ မပို့လိုက်မိတာပါကွာ၊ သုသုလေးကလည်း စိတ်ကြီးပဲ "
" မင်းမေဘိုးအေကို သုသုလေးလား၊ ငါတစ်ခုခုဖြစ်သွားရင် မင်းတို့ကြောင့်ပဲ "
" အဟား ဟုတ်ပါပြီ သုသုလေးရယ် "
" သုသုလေးလုပ်မနေနဲ့၊ မင်း ဘာမှမသိသေးဘူးမလား "
ဟိဏ်းတကယ်ကိုပင်ဘာမှမသိတာမို့ မေးငေါ့ကာမေးလိုက်သည်။
" ဘာကိုလဲ "
" လူတစ်ယောက်ရေနစ်သေလို့အပြင်မှာပွလောကိုရိုက်နေတာပဲ "
ဟိဏ်း စိတ်ထဲသိပ်မကောင်းပေမယ့်လည်း ကိုယ်နဲ့မဆိုင်တာမို့ သာမန်ကာလျှံကာသာ သံယောင်လိုက်ပေးလိုက်သည်။
" ဪ ... ကြားရတာစိတ်မကောင်းစရာပဲ "
" အေး၊ စိတ်မကောင်းစရာက အခုမှလာမှာ "
ဟိဏ်း သုတနိုင်ကိုဘာမှပြန်မဖြေပဲ ပြန်မှေးနေလိုက်သည်။
" အဲဒီလူက ငါတို့ရဲ့ driver ဦးလေးပဲ၊ ငါတို့ရဲ့ driver ဦးလေး သေပြီ "
" ဟမ် "
ဟိဏ်း နားကြားမှားသွားသည်။ ဘယ့်နှယ့်လို့ နားကလည်း driver ဦးလေးသေတယ်လို့မှ ကြားရတယ်လို့။ မပြောကောင်းမဆိုကောင်း။
YOU ARE READING
Destiny or Fate
Romanceကုန်ဆုံးခဲ့တဲ့ဘဝခရီးလမ်းတစ်လျှောက်လုံး ... စီမံရာ ၊ ကံတရားအတိုင်းနေခဲ့ပြီးပြီမို့ ... ရှေ့ဆက်ရမယ့်ဘဝခရီးလမ်းကိုတော့ ... ချစ်ရသူနဲ့ ပေါင်းဖက်ဖို့ရန်အတွက် ... ကိုယ့်ကံကြမ္မာ ကိုယ်ဖန်တီးတော့မည် ... Note: seke ပါ၊ role ကိုအတည်အကျဘာမှမခွဲထားပါဘူး၊ matur...
