Episode 37
Unicode Version
ဂျပန်နိုင်ငံတွင်လည်း အပန်းဖြေစံအိမ်တစ်ခု၌ လက်တွေ့မြင်တွေ့နေရသော စိမ်းဆိုလန်းဆန်းတဲ့သဘာဝရှုခင်းအလှတရားကို အသက်ဝင်တဲ့ပန်းချီကားတစ်ခုအသွင် ရေးဆွဲနေတဲ့ကောင်လေးတစ်ယောက်လည်းရှိသည်။
" Yume-san "
ပန်းချီကားရေးဆွဲနေတုန်းကြားလိုက်ရတဲ့ခေါ်သံကြောင့် စုပ်တံကိုင်ထားတဲ့ လက်ချောင်းသွယ်သွယ်ကလေးတွေသည် ရပ်တန့်သွားလေ၏။ ခဏအကြာမှပန်းချီကားကိုအဆုံးသတ်ကာ ဆွဲလက်စစုပ်တံကိုခုံပေါ်တွင်တင်လိုက်သည်။
" ဟုတ်ကဲ့ "
" Yume-san အတွက်ကျွန်တော်သခွားမွှေးသီးဖျော်လာခဲ့တယ် "
" ကျေးဇူးတင်ပါတယ် Asami-san "
" မလိုအပ်တာတွေ Yume-san "
Yume-san ဆိုတဲ့နာမည်လေးက ဟိဏ်းအတွက်တော့သိပ်ကိုလှပတဲ့နာမည်လေးတစ်ခု။ ဟိဏ်းဂျပန်နိုင်ငံရဲ့ပန်းချီလောကထဲထိုးဖောက်ဝင်ရောက်လာတဲ့အချိန်မှာ ဟိဏ်းအတွက်နာမည်ဆိုတာလိုအပ်တာမလို့ Yume ( ယူမဲ )ဆိုတဲ့ အိပ်မက် လို့အဓိပ္ပါယ်ရတဲ့နာမည်ကိုသာအသုံးပြုခဲ့သည်။
Yume ဆိုတဲ့နာမည်ရဲ့အိပ်မက်ဆိုတဲ့အဓိပ္ပါယ်အတိုင်း ဟိဏ်းဂျပန်ကိုရောက်လာခဲ့တာက ပန်းချီပညာကိုသင်ကြားချင်လို့ပဲမဟုတ်လား။ ဟိဏ်းကို ကြီးနှစ်ဂျပန်ကိုလွှတ်ခဲ့တဲ့ အဓိကအကြောင်းအရင်းက ဟိဏ်းငယ်ငယ်ကတည်းကသင်ယူချင်ခဲ့တဲ့ ပန်းချီပညာကိုလေ့လာရန်ဖြစ်သည်။
တကယ်တော့ကြီးနှစ်ကဟိဏ်းကိုမချစ်တော့လို့မဟုတ်ပဲ ဟိဏ်းဘဝအတွက် ပျော်ရွှင်မှုလမ်းကိုကိုယ်တိုင်ဖောက်ထိုးလျှောက်လှမ်းဖို့ လမ်းပြခဲ့တာမဟုတ်လား။
ဟိဏ်းလည်း Asami-san ပေးတဲ့သခွားမွှေးသီးဖျော်ရည်ခွက်ကိုလှမ်းယူကာ သောက်လိုက်သည်။ ချိုမြိန်တဲ့သခွားမွှေးသီးအရသာလေးက လျှာဖျားထက်အာခံတွင်းမှတစ်ဆင့် လည်ချောင်းထဲရောက်သွားတာနဲ့ ချိုချိုအေးအေးအရသာလေးကိုခံစားလိုက်ရသည်။
" ပန်းချီဆွဲထားတာအရမ်းလှတာပဲ Yume-san "
" မဟုတ်ရပါဘူး၊ ဒါကသာမန်ပါပဲ "
YOU ARE READING
Destiny or Fate
Romanceကုန်ဆုံးခဲ့တဲ့ဘဝခရီးလမ်းတစ်လျှောက်လုံး ... စီမံရာ ၊ ကံတရားအတိုင်းနေခဲ့ပြီးပြီမို့ ... ရှေ့ဆက်ရမယ့်ဘဝခရီးလမ်းကိုတော့ ... ချစ်ရသူနဲ့ ပေါင်းဖက်ဖို့ရန်အတွက် ... ကိုယ့်ကံကြမ္မာ ကိုယ်ဖန်တီးတော့မည် ... Note: seke ပါ၊ role ကိုအတည်အကျဘာမှမခွဲထားပါဘူး၊ matur...
