هبطت إلى المطبخ تساعد عنبر وإسماعيل في تحضير الفطور، جلست تدفع اللقيمات إلى فمها دفعًا ثم تجبر مريئها على إبتلاعها غصبًا.
أظهر عدم المبالاة وكأن ما حدث بالأمس لم يكن، انصرف إلى عمله فور إنتهائه من الفطور ولحقت به كادي في سيارتها إلى النادي الرياضي؛ كي تمارس رياضة الصباح وتحافظ على رشاقتها إحكامًا في إغاظة المتطفلة على حياتها.
ودعتها آية على وعد بعدم التأخر؛ لكي تصحبها إلى النادي القريب من المنزل وتبدأ دوامها في ممارسة الرياضة بإنتظام حتى تفقد الوزن الزائد وتشد ترهلاتها.
اكتفت بمطالعة بقية الكتاب الذي قرأت به أمس حتى عادت آية، ذهبتا سويًا وتعرفت على صاحبة المكان، حمدت ربها أن من تدير المكان والعاملين به كلهن من النساء وذلك لتوفير الخصوصية والراحة اللازمة للعضوات.
سيدة أكبر منها بعدة سنواتقُدمت إليها على أنها من ستتابع معها التدريب، أتفقت على البدء في اليوم التالي حتى تجهز نفسها وتحضر ملابسها الخاصة، وسيكون دوامها أربعة أيام في الأسبوع فقط مع ضرورة الإلتزام.
سارت مع آية عائدة إلى المنزل؛ فالمسافة لا تستحق سيارة، سألتها: فكرك هيجيب نتيجة؟
-أنتِ عايزه؟
-أكيد.
-يبقى هتنجحي.. المهم تحافظي على الحماس دا على طول، يعني ما يبقاش أول يومين وشكرًا.
-لا، -إن شاء الله- هاستمر.
-إن شاء الله.
أردفت بعد فترة صمت: كنت عايزه اسألك يا سلمى، إيه اللي خلى ياسين يشيط إمبارح؟.. كنت هأدخل وراكِ بس خوفت تتعصبي أكتر.
-أنا أعرف!، هو كان جاي شايط من برا.. بس طلع عليا أنا.
وقصت عليها ما حدث تستفسر منها إن كانت أخطأت في شيء، صدمتها ضحكة آية: هو اللي أنا قولته بيضحك أوي كدا.. ولا أنا قولت نكتة فـ النص من غير ما أخد بالي؟
-مافكرتيش إنه ممكن يكون بيغير؟
صدمت: يغير؟؟
-أيوه، دي تصرفات واحد غيران.
-لا مش ممكن، اللي بيغير يعني بيحب، وهو لسه أول إمبارح قايلي فـ وشي إنه مجبور عليا يبقى إزاي حبني؟
-أومال إيه تفسيرك؟
-هي كل حاجه لازم تتفسر؟.. على العموم ممكن نقول إن العرق الشرقي اللي جواه طلع، خصوصًا إنه كان متعصب وقرر يطلع عليا.
رفعت كتفيها: يمكن.
أصرت: لا أكيد.
فور وصولهم صعدت آية إلى غرفتها تغرق بين أوراق بحثها واتجهت سلمى إلى المطبخ مقررة تحضير غداء اليوم لتقطع مرور الوقت الرتيب.
أنت تقرأ
رُزق حُبي (الجزء الثاني من رزقت الحلال)
Romanceالجزء الثاني من رواية رزقت الحلال شخصيات جديدة ظهرت وأحداث مختلفة... لكن هيظهر أبطال الجزء الأول (حمزه وحياه) من تاني لكن قدام شوية... الأحداث بدايته من بداية القصة قبل ما حياه تهرب أصلًا... والأحداث هتتعرض من زاوية تانية ونظرة تانية.. بالتالي حاجا...
