[Unicode]
ကျောင်းကိုလာမကြိုတော့ဘူးနော်လို့ဖုန်းဆက်တဲ့မောင့်ကြောင့်နည်းနည်းတော့စိတ်မကောင်းဖြစ်ရသည်။ကိုယ်ရစ်တာများသွားလို့ မောင်ကစိတ်ကုန်သွားတာများလား။
၂နှစ်ဆိုတဲ့အတိုင်းအတာအတွင်းမှာ မောင်ကငါ့ကိုငြီးငွေ့သွားပြီလား။"ဘတ်ခွန်းနီး!"
"..."
"ဘတ်ခွန်းနီး!"
"အော် James"
"ဘာတွေအဲ့လောက်တောင်တွေးနေတာလဲ"
"အာ ဒီအတိုင်းပါ ဘာရယ်မဟုတ်ပါဘူး"
"အင့် ကျွန်တော်မနက်ကတည်းကလိုက်ရှာနေတာ စာကြည့်တိုက်ဘက်လဲရောက်ခဲ့ပြီ အသားဆိုတော့အကြာကြီးထားရင်အရသာမရှိမှာစိုးလို့ ချက်ချင်းပဲစားဖြစ်အောင်စားနော်"
"ဟုတ်ကဲ့ ကျေးဇူးတင်ပါတယ်"
"ဒါနဲ့ ဘတ်ခွန်းနေမကောင်းဘူးလား မှန်း"
ပြောလဲပြောရင်းနှဖူးပြင်ပေါ်ကျူးကျော်လာတဲ့လက်ကြောင့် ဘတ်ခွန်းအမြန်ပင်ရှောင်တိမ်းလိုက်ရပါသည်။ယောကျ်ားလေးချင်းပင်ဖြစ်သော်ငြား ဒီလူကိုယ့်အပေါ်ဘာစိတ်ရှိနေလဲဆိုတာကို ကိုယ်က မရိပ်မိနေတာမှမဟုတ်ပါပဲ။
ဘတ်ခွန်းရှောင်လိုက်တာကိုသိတဲ့ James ကလည်းရှက်သွားပုံရကာလက်ကိုအမြန်ရုတ်လိုက်ပြီး စကားစဖြတ်သည်။
"အဲ့တာဆို အိမ်ရောက်ရင်ဆေးသေချာသောက်နော်"
စိတ်ပူရတဲ့အဖြစ်ကိုမင်းသိလေမလား...
တစ်ဖက်သတ်ဆိုတဲ့အဖြစ်ကိုမင်းသိလေမလား...
ဆိုင်သူရှိသားလူကိုချစ်မိတဲ့အခါကြာကူလီကောင်လို့အများကထင်ကြလေမလား...
မြူမှုန်တစ်စလောက်တောင် မသက်ဆိုင်တဲ့ ဒီကျောင်းနေရာကို ကိုယ်ဘာကြောင့်အကြိမ်ကြိမ်အခါခါခြေချဖြစ်နေပါလိမ့်...
မသိတဲ့သူတွေကတော့ ဒီကျောင်းကကျောင်းသားလားလို့တောင်ထင်ကြလိမ့်မယ်...
တချို့ကဆိုဘယ်မေဂျာလဲတောင်မေးကြတယ်...
အဲ့ဒီ့အချိန်ကျရင်ကိုယ်ဟာ ပြုံးပြဖို့ပဲတတ်တော့တယ်...တစ်လောကလုံးကလူတွေအားလုံးအပေါ်မာန်ဖီနေရင်တောင်မှ မင်းတစ်ယောက်အပေါ်မှာတော့ကိုယ့်အစွယ်ကိုယ်ချိုးပစ်လိုက်မဲ့ သားရဲတစ်ကောင်ပါကွာ။
YOU ARE READING
ချစ်လှစွာသော အမျိုးသားလေး
Romance[Unicode]ငါ့အမြင်အာရုံတွေ ချို့ယွင်းသွားခဲ့မယ်ဆိုရင်တောင် လွဲမှားမှုမရှိပဲတန်းတန်းမတ်မတ် ရောက်အောင်လာနိုင်မဲ့နေရာက သေချာပေါက် မောင့်ရင်ခွင်ပဲ ဖြစ်လိမ့်မယ်.... [Zawgyi]ငါ့အျမင္အာရံုေတြ ခ်ိဳ႕ယြင္းသြားခဲ့မယ္ဆိုရင္ေတာင္ လြဲမွားမႈမရိွပဲတန္းတန္းမတ္မတ္ ေရာ...