𝐃𝐚𝐫𝐤𝐧𝐞𝐬𝐬 𝐎𝐟 𝐓𝐡𝐞 𝐋𝐢𝐠𝐡𝐭

Chapter 4.0

++++Unicode++++

'How do I love
How do I love again?
How do I trust
How do I trust again?

I stay up all night
Tell myself I'm alright
Baby, you're just harder to see than most'

-Dancing With Your Ghost-

'ကိုကို?'

Jay လက်တွေက Sunghoon ကိုယ်ကိုတွန်းခွါကာ မျက်လုံးချင်းဆုံအောင်ကြည့်ဖြစ်သည်။

ကိုကို! ။ထိုနာမ်စားကို Sunghoon ဘာလို့သုံးလိုက်တာလဲ?ပြီးတော့ Sunghoon  ကရော ဘာလို့‌ငိုနေခဲ့တာလဲ?အကြောင်းအရင်းတခုမရှိပါပဲ ရုတ်တရက်ဆန်ဆန် အပြုအမူတွေရယ်၊နာကျင်လာသည့် သူ့နှလုံးသားတစ်စုံက ရှေ့မှာရပ်နေသည့်သူဟာ Sunghoonဖြစ်နေခဲ့ပါလျက် ကိုကို ဟု သူဘာကြောင့်ခံစားမိနေရသနည်း။

Sunghoon မျက်ဝန်းတွေနီရဲနေသည်က မတရားသဖြင့် ငိုထားလို့ထင်ပါရဲ့။
Sunghoon လက်တွေက ‌Jay မျက်နှာထက်ကို ရွေ့လျားလာကာ Jayကိုယ်တိုင်ပင် မသိလိုက်ပဲ ကျဆင်းသွားသည့် မျက်ရည်တစ်စက်ကို သုပ်ပေးလာသည်။

"မငိုပါနဲ့ ကလေးငယ် "

Jay ၏ဘယ်ဘက်ရင်အုံက နာကျင်မှုကြောင့်  လက်တစ်ဖက်က မိမိရင်ဘတ်ကိုဆုပ်ကိုင်လိုက်ပြီး မျက်ခုံးနှစ်ဖက်တွန့်ချိုးလျက်။ကျန်တဖက်က Sunghoonပုခုံးကို လျင်မြန်စွာ ကိုင်လိုက်မိသည်။ထိုသို့ Jay အမှီမပြုပါလျင် Jay ခန္ဓာကိုယ်ဟာ ကြမ်းပြင်ပေါ်သို့ လဲကျသွားနိုင်သည်ပင်။

"မင်း ဘယ်သူလဲ?"

တတိတိနာကျင်လာတဲ့ရင်ဘတ်အတွင်း ဒဏ်ရာကြောင့် Jayလက်က Sunghoon အင်္ကျီစကို ဆွဲဆုပ်ကာ မာန်အပြည့်နှင့် ထပ်ကာမေးမိသည်။

"မင်းဘယ်သူလဲလို့?"

"ကိုကို ပါ၊
Lee Heeseung!"

"ဟင်"

အလွန်တရားမှ အံ့အားသင့်ရ၏။‌
အင်္ကျီစကို ဆုပ်ကိုင်ထားသော Jayလက်‌တွေဟာ ဖြေလျော့သွားသည်။ဒါဆို ကိုကိုက Sunghoon ကိုယ်ထဲမှာရှိနေခဲ့တာပေါ့။Jay မျက်ဝန်းမှ မျက်ရည်တွေ အတားအဆီးမဲ့ကျဆင်းလာကာ နှစ်ခါတောင်ပြန်မမေးပဲ ထိုအဖြေကို တထစ်ချယုံကြည်မိသည်။

"ကိုကို!"

Jay ၏လက်နှစ်ဖက်လုံး Sunghoonမျက်နှာကို ထိကိုင်လာပြီး တအံ့တဩ ကြည့်နေသည်။အဆက်မပျက် ကျဆင်းလာသည့်မျက်ရည်တွေက လည်တိုင်ထက်တွင် ရွှဲနစ်လျက်။