ငြင်းဆန်ခွင့်မရှိတဲ့ဘဝအစီအစဥ်ကျနေမူမှာ ကိုယ့်ဘဝနဲ့ကိုယ် တသီးတသန့်ခေါင်းမော့ရင်ကော့ကာအသက်ရှင်ရပ်တည်ချင်ခဲ့ပေမယ့်လည်း ကံကြမ္မာရေးဆွဲသူကို ကျမလွန်ဆန်နိုင်စွမ်းမရှိခဲ့ဘူး....
ချည်ပြီးတုတ်ပြီးသား ကြိုးတွေနဲ့ ကျွန်မဘယ်လောက်ခေါင်းကြောမာမာ လွန်ဆန်လို့မရခဲ့ဘူး....ဖရိုဖရဲသွေးစို့နေတဲ့နခမ်းတွေနဲ့ခေါင်းငြိမ့်ပြီးတဲ့နောက် လက်ထပ်ပွဲဝါဖြစ်လာခဲ့ပြီပေါ့....
Jennie kim ဟာမတရားဖမ်းချုပ်နမ်းခံရရုံနဲ့ ချက်ချင်းကြောက်လန့်လက်ခံလိုက်ရတာပေါ့လို့ ကိုယ့်စိတ်ဝိညဥ် ကိုယ့်မာနတရားသည် လှောင်ပြောင်လာခဲ့တော့ ကျမဘာမှပြန်မတုံ့ပြန်နိုင်ခဲ့....
ပြန်တွေးမိလိုက်တိုင်း အနမ်းခံလိုက်ရသည့် မိနစ်အပိင်ုအခြား ခဏသာသည် ကျွန်မမျက်လုံးတွေကိုမတည်မငြိမ်ဖြစ်စေခဲ့သည်..ဒေါသမဟုတ်ပါ ကျမသေသေချာချာကိုသိနေခဲ့သည်....ကျမဒေါသထွက်နေတာမဟုတ်ဘူး...ကျမစိတ်စွမ်းအားတွေကုန်ခမ်းသွားတဲ့အထိ ပြိုလဲကျသွားခဲ့တာ ဘာတွေများဖြစ်သွားရတာလည်း စဥ်းစားကြည့်မိတိုင်း ခေါင်းထဲရှုပ်ရှက်ခတ်သွားတာကလွဲရင် အဖြေမထွက်ခဲ့.....
လိုချင်တာ ဖြစ်ချင်တာဖြစ်သွားရတော့အဖေတို့သည် ကျေနပ်စွာလက်ထပ်ပွဲကိုပြင်ဆင်နေကြသည်....
အဆိုးထဲကအကောင်းကတော့ ဥက္ကဋ္ဌ Manoban သည် ကျမ Company ကျမ Hotel တွေမှာသာ ဆက်ဦးစီးခိုင်းထားခဲ့ခြင်းကြောင့် ဘဝသည်အခြေအနေမပျက်ခဲ့...သူ့အလုပ်တွေလည်းအကူအညီလိုရင် လာကူညီဖို့တောင်းဆိုကာ ကျမအဆင်ပြေအောင်ညှိနှိုင်းပေးသည်.....
လက်ထပ်ပြီးကြရင်တော့ ကျမထင်ပါသည် သေချာပေါက် L Group မှာသာ အလုပ်လုပ်ပေးရတော့မည်....
သူ့သမီးကဆိုးလို့...
သူ့သမီးကအလုပ်တွေအပေါ်ဘယ်တော့မှစိတ်ဝင်စားမူရှိမှာမဟုတ်လို့ သူ့သမီးဟာအရမ်းဆိုးလို့ ထိန်းကြောင်းပေးဖို့ တော်သူမို့ တတ်သူမို့ လိမ္မာသူမို့ တရားပြပေးရန် Manoban ဥက္ကဋ္ဌ သည်တောင်းဆိုသွားခဲ့သည်....
သူသေသွားရင် ဒီပစ္စည်းဥစ္စာတွေကို ဟိုအရူးကမစီမံနိုင်မှန်း အကုန်ပြောင်သွားနိုင်မှန်းကြိုသိ၍ ထိန်းကြောင်းစီစစ်ပေးရန် ပိုတိုးတက်စေရန် ဦးနှောက်ဖောက်စားရန် လစာပေးစရာမလို အလုပ်သမားငှားလိုက်သည့်သဘော...
YOU ARE READING
Last Tear (Season 2)
Fanfictionချစ်ခြင်းနဲ့ဆုတောင်း အမုန်းနဲ့ကျိန်စာ အတ္တနဲ့တိုင်တည်မူ ထိုအရာသုံးခုလွန်ဆွဲလွန်းတဲ့အခါ ကံကြမ္မာကို ဒူးထောက်လက်မြှောက်သူက........ မူရင်း author အား crd ပေးပါတယ်.. [အရင်ဆုံးပြောချင်တာက ဒါဟာကျွန်တော်ကိုယ်တိုင်စိတ်ကူးပုံဖော်ပြီးရေးခြင်းမဟုတ်ပါ...BTS JiK...
