★Mr.Right★ [ Completed ]

Part [ 4 ]

မနေ့က နွေငယ်၏ရည်းစားအသစ် နှင်းစက်မိုးနှင့်ကတောက်ကဆဖြစ်ပြီး စိတ်ရှုပ်နေတုန်းဖုန်းဆက်လာသော သူငယ်ချင်းကြောင့် လိုက်သွားမိသည်။

ဟိုရောက်တော့ ဆေးကိစ္စကြောင့်ပြဿနာကြုံနေသော သူငယ်ချင်းကိုကိစ္စမြန်မြန်ပြီးစေရန် တစ်ဖက်ကတောင်းသော ငွေပမာဏအတိုင်းပေးလိုက်ကာ အမြန်ဆုံးဖြေရှင်းလိုက်ပေးလိုက်သည်။ထိုပြဿနာအပြီး သူငယ်ချင်းက ဘားခေါ်တိုက်သဖြင့်စိတ်ရှုပ်စရာများလျှော့ချပစ်ရန် လိုက်သွားခဲ့ပြီး
မည်မျှသောက်ခဲ့မှန်း နွေငယ်မသိတော့။

နိုးလာသည့်အချိန်တွင် ၉နာရီ ထိုးနေပြီးဖြစ်
သည်။ဘေးကိုကြည့်လိုက်တော့ ဟိုတယ်ခန်းတစ်ခုဖြစ်ပုံရပြီး စားပွဲပေါ်တွင် နွေငယ်၏ အလွတ်ဖြစ်နေသော ကတ်နှင့်အတူ
ဖုန်းကိုပါ တွေ့ရသည်။ဖုန်းကမနေ့ညနေကတည်းကအားကုန်သွားသဖြင့် ပိတ်ရက် သား ရှိနေ၏။

သူငယ်ချင်း၏ပြဿနာကိုရှင်းပေးပြီးကတည်းက သုညဖြစ်နေသော ကတ်ကိုထပ်မကြည့်တော့ဘဲ Check out ရန်ဟော်တယ်ကောင်တာဆီ ဖုန်းဆက်မေးကြည့်ချိန် check out ပြီးသားမို့ စိတ်အေးသွားရသည်။သူငယ်ချင်းကဟော်တယ်သို့ လိုက်ပို့ပေးခဲ့ပုံရပြီးဟော်တယ်ခကိုလည်း အပြီးရှင်းခဲ့တာဖြစ်မည်။

အိပ်ရာပေါ် ခဏမျှမှေးလိုက်ပြီးနောက် ဗိုက်ဆာလာသဖြင့် အိပ်ရာမှကုန်းရုန်းထကာ မျက်နှာသစ်လိုက်သည်။ အခန်းအပ်လိုက်ပြီး
နောက် ကတ်ထဲတွင်လည်း တစ်ကျပ်မှမကျန်တော့သဖြင့် အိမ်သို့လမ်း‌လျှောက်ပြန်ရန်သာ ဆုံးဖြတ်လိုက်သည်။

နွေငယ်၏ဘဝတွင် ယနေ့လိုမျိုး အရင်ကလည်းကြုံဖူးခဲ့သဖြင့် သိပ်လည်းထူးဆန်း
မနေတော့ပေ။ဆိုင်ကယ်နှင့်ဖုန်းကိုပေါင်ပြီး
ဖဲထိုင်ရိုက်ပစ်လိုက်သည့်အချိန်တုန်းကဖြစ်သည်။သူငယ်ချင်း၏မဲဆွယ်ကောင်းမှုကြောင့် တစ်ခါမှဖဲမရိုက်ဖူးသော နွေငယ်သည် ဝိုင်းတစ်ဝိုင်းတွင် ဖဲဝင်ရိုက်ရင်း
အရှိန်လွန်သွားခြင်းဖြစ်၏။ရှိသမျှပိုက်ဆံများလည်းကုန် မေမေဝယ်ပေးထားသော
ဆိုင်ကယ်ကိုပါ ပေါင်ပစ်ကာ တစ်ထိုင်တည်းဆော့ခဲ့သည်။ထုံးစံအတိုင်းပြဿနာကို စည်းကပဲ တိုးတိုးတိတ်တိတ်ဖြေရှင်းပေးခဲ့၏။