ရန် အလွှမ်းရဲ့မုန့်ဟင်းခါးပန်းကန်ကိုကြည့်ပြီး အလွှမ်းက အစပ်မစားနိုင်ဘူးဆိုတာ သိလိုက်ရသည်။ထို့ပြင် ပဲသီးနဲ့ခရမ်းချဥ်သီးထည့်စားသော်လည်း နံနံပင်ကိုတော့ ထည့်ပင်မထည့်။
အလွှမ်းပြောလို့ အလွှမ်းက အစပ်ကြိုက်သော်လည်း များများစားမိရင် ဗိုက်နာတတ်တာကြောင့် အစပ်မစားတာကိုလည်း သိလိုက်ရသည်။
သူ့အနေနဲ့ တစ်ခါမှ ရည်းစားမထားဖူးသော်လည်း ထိုအရာတွေကို အသေးစိတ်မှတ်ရမယ်ဆိုတာကိုတော့ သေချာသိပါသည်။ထို့ကြောင့် အလွှမ်းအကြောင်းပိုမိုသိအောင် သူကဘဲ စမေးလိုက်သည်။
"အလွှမ်း...ကိုယ်မင်းအကြောင်းတွေ သိချင်တယ်။ဘာကြိုက်တတ်တယ်။ဘာတွေမကြိုက်ဘူးလဲဆိုတာတွေကိုပေါ့"
အလွှမ်းက သူ့ကို ကြည့်ကာ ပြုံးပြလာပြီး
"ကျွန်တော်က အရောင်ထဲမှာ အဝါရောင်အကြိုက်ဆုံးဘဲ။အစားအစာထဲမှာတော့ မုန့်ဟင်းခါးပေါ့။ကျွန်တော်က ငါးဆို သိပ်မစားဘူး။ငါးကြင်းနဲ့ငါးသေးသေးလေးတွေလောက်ဘဲစားတာ။ဝက်သားစားပေမဲ့ အခေါက်ဆို လုံးဝမစားဘူး။အမဲသားတော့မစားဘူး။ကြက်အသဲအမြစ်မှာဆိုရင် အမြစ်ကို အကြိုက်ဆုံးဘဲ။ခါးတာတွေလည်း မစားဘူး။ကြက်ဟင်းခါးသီးတို့ ဂွေးတောက်ရွက်တို့လိုဟာတွေပေါ့။အရွက်ထဲမှာတော့ မုန်လာရွက်မကြိုက်ဘူး။နည်းနည်းခါးသက်သက်မို့လို့။ကျန်တာတော့အကုန်စားတယ်"
"ကိုယ်အကုန်မှတ်လိုက်မယ်။ပြီးတော့ မင်းရဲ့မွေးနေ့ကကော"
"ကျွန်တော့်မွေးနေ့က ဖေဖော်ဝါရီ ၂၈ရက်နေ့။ခင်ဗျားကကော။ကျွန်တော်လည်း ခင်ဗျားနဲ့ပက်သက်တာတွေကို သိချင်တယ်"
"ကိုယ်က ဇွန် ၁ရက်နေ့။ကိုယ်ငယ်ငယ်ထဲက ကြိုက်တာမကြိုက်တာဆိုပြီး မရှိဖူးဘူး။အကုန်စားတယ်။အရောင်ဆိုရင်လည်း ကြိုက်တာမျိုးမရှိဘူး။ကိုယ့်ရဲ့အဝတ်အစားတော်တော်များများက ကိုယ့်ဘာသာကိုယ်ဆိုင်မှာသွားဝယ်တာတွေထက် အမေဝယ်ထည့်ပေးထားတာ ပိုများတယ်။အကိုလည်းရှိတော့ သူတို့က ဝယ်ဝယ်ပေးနေတာနဲ့ အရောင်တွေဒီဇိုင်းတွေနဲ့ပက်သက်ပြီး ရွေးဖူးတာ မရှိခဲ့ဘူး"
VOCÊ ESTÁ LENDO
First person
Romance"ရန်...ကျွန်တော်တို့တွေက အမြဲတမ်း ဒုတိယလူတွေ ဖြစ်ခဲ့တာ။အဲ့တော့ ကျွန်တော်တို့အချင်းချင်း ပထမလူ ဖြစ်ကြရအောင်"
