Oblivion Series 1: All Lies (COMPLETED)

CHAPTER 11

Chapter 11: First Night

"ROOM FOR two, please," wika ko sa babaeng nasa information desk. Bahagya pa siyang nagulat at natulala sa akin.

Basang sisiw na kami ng kasama ko at hindi na makakauwi pa sa ngayon. We decided to sleep here for tonight. Nasa 7s Hotel kami na malapit lang sa site. Hindi na kami makakauwi pa pabalik dahil grabe ang lakas ng ulan ngayon.

We are not safe kung ipagpapatuloy pa rin namin ang pagmamaneho sa daan. Lalo pa na pagabi na rin naman.

"Miss, ano na?" untag na saad ni Crimson. Palipat-lipat ang tingin niya sa amin. Napataas ang kilay ko dahil nagawa pa niya kaming paghintayin.

"S-Sorry po. Uh, sirs. Isang bakante na lang po ang room ng hotel namin. Marami pong visitors ngayong gabi, dahil sa lakas ng ulan. It's okay kung magsi-share na lang po kayo?" paliwanag sa amin ng babae.

Napatingin ako sa kasama ko na sa akin din nakatitig. Tumikhim ako at ngumiti naman siya.

"We'll take that, Miss," nakangiting sabi niya sa babae.

Hindi ako sang-ayon. Hinawakan ko siya sa braso at ramdam ko na nagulat siya ro'n. Binitawan ko rin naman siya dahil kakaiba ang kuryenteng nagmumula sa kanya.

"We can't share--" I didn't finish my words because he cut me off.

"We can share one room," giit niya. Wala na akong nagawa nang kinuha na niya ang key card sa kamay ng babae.

Sino ba naman ang hindi sang-ayon na makasama mo sa iisang silid ang isang lalaki hindi ba? I think nanganganib ang pagkatao ko ngayong gabi. Dapat akong mag-ingat.

Pero no choice na ako dahil isa na lang talaga ang bakanteng room at baka pareho kaming mamamatay sa lamig kung maghahanap pa kami ng ibang hotel.

Inakay na niya ako patungo sa elevator. Tahimik na naglakad na lamang ako.

"Where's your twin brother? Bumalik ba sila sa Manila?" tanong ko sa kanya at sinulyapan ako.

"Tumawag siya sa akin kanina na pauwi na siya, malamang sa mga oras na ito ay nasa bahay na siya," sagot naman niya.

"Kung sana bumiyahe na tayo kanina nang hindi pa masyadong malakas ang ulan ay baka nasa condo na tayo natin ngayon," saad ko bagamat may sarkasmo sa tono ng boses ko. Sinisisi siya.

"Condo natin?" nakangising tanong niya kaya sinagi ko siya sa braso niya. Saka naman siya tatawa-tawa.

"Ayaw mo no'n? May night bonding tayo?" ani pa niya. Night bonding? Puro kalokohan naman ang mayroon sa kanya. Tss.

***

"Mauna ka nang maligo," saad niya nang makapasok na kami sa hotel room namin.

May dala siyang paper bag, laman no'n ang binili naming shirts and pajamas. Naraanan namin ang isang store kanina. Siya ang bumaba at sinuyod ang malakas na ulan, kaya siya 'yong mas nabasa.

"You first," I told him saka ko hinubad ang coat ko. Napatingin tuloy siya sa akin kaya tinaasan ko siya ng kilay.

Nahihiyang nag-iwas siya nang tingin at ginulo-gulo ang basang buhok niya. Namumula ang pisngi at tainga niya na ikinapagtaka ko.

Umupo ako sa sahig at hinubad ko ang sapatos ko pero nakatingin pa rin ako kay Crimson na paminsan-minsan ay nahuhuli ko ang pagsulyap niya sa akin. Parang tanga.

"Mauna ka na sabi, ikaw 'yong mas nabasa ng ulan, eh," saad ko at tumango lang siya.

May kinuha siyang towel sa loob ng closet at tinungo na niya ang banyo. Napahinga ako nang malalim. Kinakabahan ako sa hindi ko alam na kadahilanan. Bakit napunta kami sa sitwasyong ito? Kung sana ay sumabay na lang kami ni Drimson kanina.