Hay, Ford (The One Hundred Trilogy 2)

The 6th

Hay, Ford!

Ang saya-saya ko. Nakapasa ako ngayong sem, at hindi lang basta nakapasa, mataas ang nakuha kong score sa mga exam. Sana naman maganda ang lalabas na grades ko, 'no? Mabuti na lang talaga at ang bait sa akin ng ilan nating schoolmates. Akalain mong may nag-offer sa akin ng study session?

Kilala mo ba si Britney? Isa 'yon sa mga sikat na volleyball player sa university natin. Aakalain mo bang siya 'yong nag-offer ng kindness sa akin? I don't know kung paano niya nalaman, pero pumasok na lang siya bigla sa CR habang nandoon ako tapos bigla niya akong kinausap. Gulat na gulat nga ako, eh. Hindi ko ini-expect na isang tulad niya ang kakausap sa akin. Halos nasa same level na rin kaya kayong dalawa. Iyon na nga. Niyaya niya ako sa group study nila para daw makapag-review ako. Puwede rin daw ako magpatulong sa kanila kung may tanong ako o kahit sa paggawa lang ng mga assignment, project, o kahit na anong activity.

Ang bait niya promise. Nararamdaman ko naman na totoo siya sa mga sinasabi at kinikilos niya sa akin. Hindi siya plastic. Ang sweet pa niya. Hindi rin naman awkward 'yong mga kasama niya sa akin. Parang ang saya pa nga nila, eh. Ang saya rin nila kausap. Nandoon din kaya 'yong isa sa mga kaibigan mo. Si Clide? Naalala kong suki ko rin 'yon sa paggawa ng mga activity, eh. Nalito nga ako kung bakit siya nandoon, gumagawa ng mga activity tapos nagpapagawa rin siya sa akin. Ang weird lang. Sa kaniya kaya 'yong ginagawa niya? Kung ganoon, para kanino 'yong mga ginagawa ko para sa kaniya? Hindi ko naman siya matanong. Hindi naman kami close, eh.

Ano sa tingin mo, Ford? Ano'ng trip ng kaibigan mong 'yon? Sana okay lang siya. Haha. Masyado na siyang masipag sa paggawa ng mga school activity. Tapos galanti pa siya sa akin sa pagbayad sa paggawa ko rin ng mga activity niya.

Oo nga pala, kinuha ko 'yong binigay sa 'yong kuwintas ni Sidney. Ang ganda ng pendant, ha,? Pero hindi naman 'to bagay sa 'yo. Para yata 'to sa kaniya, eh.

Your thief,

Lara Alexa