واكفة يم الكاونتر بايدي كلاص المي
واكف كدامي ومجتف اديه البيت هدوء
الجو بارد لدرجة عظامي يرجفن من البرد
منزلة راسي واحاول ما اجاوب على اكثر سؤال محرج
قرب خطوة وحدة علية حسيت رح اصيح من الارتباك
مع الرغم هو كلش بعيد عني!
حيدر/ليش من سالتج تكليلي ماعرفهم؟
(شنو اكله؟ شنو رح ارد عليه؟)
ظليت منزلة راسي مااريد ارد عليه
حسيت بأطراف اصابيعه تلامس ايدي رفعت راسي وشفته قريب علية
اخذ مني الكلاص وحطه على الميز ورجع وكف بعيد
حيدر/حنان
هذا اسمي! ليش اسمي صار غريب لهاي الدرجة
حنان/ه ها؟!
حيدر/شبيج؟
حنان/شبية؟
حيدر/هو اني الي دا اسال شبيج متوترة وخايفة؟
حنان/مابية شي
حيدر/تعالي كعدي احجي وياية؟
حنان/ماريد......اقصد مابية شي
حيدر/......براحتج
ظليت اباوع بعيونه شسوي هسة؟
هاي اول مرة احجي ويا رجال
اكبر مني!
نرجع بالزمن قبل 48 ساعة•••
طالعة من المدرسة الجو بارد رفعت راسي للسمة شفت الغيوم حاجبة الشمس ما احب هيج جو احسه كئيب
الحارس/تحركي بوية
لتفتت للورا لكيت الحارس مال المدرسة يريد يغلق الباب....صح اني اخر طالبة طلعت من المدرسة
ابو الخط عايفني
وجنطتي اثكل مني ومن خمس بنات بكدي
دا امشي نص الشارع ورجعت للحارس بسرعة
حنان/عمو
الحارس/ها عمي
دا احجي حتى يتصل على ابوية يجي ياخذني ...بس لحظة اني ماحفظة رقم ابوية
مثل ما رجعت للحارس درت وجهي ورجعت امشي سمعت الحار س يكول(الله يثبت علينة العقل)
امشي واني احاول ما ابجي من الفشلة
شفت بنات ثنين طالعات من مدرسة ابتدائية رح يعبرني الشارع اني سويت نفسي دا اعبر مثلهن بس جذب اني اعبر بسدهن لان اخاف اعبر شارع وحدي
امشي بهدوء وسرحانة بتفكيري
اني امشي وبالي رايح بعيد بس اسمع صوت هورن مال سيارة وراية بس مطيته اذن الطرشة
فجأة نتبهت ولتفتت للورا شفت سيارة صفرة
اجت وكفت يمي بصفي جمدت بمكاني من الخوف حتى نفس قطعته
رح يخطفوننني؟؟!!
نفتحت جامة الباب الامامية مال السيارة
واحد كاعد بصف السايق مال السيارة
/عمو هم تعرفين وين صاير بيت سعد ابو قحطان؟
حنان/ها؟
يحجي وياية واني اباوع بعيونه لونهم حلو؟!
هااااا؟؟!!
