نزلت من الدرج واني بايدي جنطتي والكتب مالتي وجواريبي وحذائي وشالي متخربط وبايدي الثانية احجي وية رندة
حنان/شنو سويتي؟
رندة/ما سويتله شي طيته بلوك وكعدت
حنان/وبعدين؟
رندة/مادري منتظرته يحاجيني ويراضيني
حنان بهمس/اذا انتي اطيتيه بلوك شلون ترديه يحاجيج
رندة/ماما فاتت من يمي بس راحت كملي
حنان/اي
رندة/مدري يسوي حل لو هو مهتم يحاجيني من التلفزيون
حنان/خوش لعد اذا اجة يحجي وياية اكله يابة حاجيهة من التلفزيون اذا انت مهتم
رندة/برااافو
حنان/لحظة البس حذائي بعد ما ظل عندي مجال
رندة/بعد عدج كومة وقت
حنان/مو عمو ابو احمد واكف منتظرني برة
رندة/اني اليوم ماخذة اجازة
حنان/ما تجين لبغداد
رندة/مابقى شي ليوم الجمعة يوم واحد وامرلكم ونسهر سوية ونسوي حفلةةةة
حنان/اي صح هلا بيج بكل وقت
رندة/وبيج حبيبتي
حنان/يلا حب اني رح اطلع من البيت احاجيج بعدين من ارجع وها لا تنسين اذا حجة وياج من الأقمار الصناعية كليلي
رندة/عز الطلب نتبهي على نفسج زين
حنان/وانتي هم حبيبي ..مع السلامة
سديت الاتصال وطلعت من البيت ركض وصلت لباب الشارع ورجعت من جديد ركض
حنان/ماما اني رايحة
ام قحطان/الله ومحمد وعلي وياج ديري بالج على نفسج وعلى اوركيد
حنان/ان شالله
رجعت ركض لعمو ابو احمد
فتحت باب السيارة شفت اوركيد نايمة
حنان/صباح الخير عمو
ابو احمد/صباح النور بنيتي
حنان/هاي شنو اوركيد شبيهة
ابو احمد/صديقتج تشوخر
حنان/فشلتنةةة... اوركييد
اوركيد/عوفيني انام
حنان/وصلنة للجامعة اكعدي
فتحت عيونهة كامت عدلت شالهة
اوركيد/صباح الخير
حنان/صباح النور شبيج صايرة ضحية نايمة هيج
اوركيد/اسكتي عني ما نايمة بس ساعتين
حنان/هلكد تحبين الدراسة
اوركيد/يا دراسة حبيبتي؟
حنان/لعد شنو خية؟
اوركيد/اولا اخوج اتصل علية من الوحدة لحد الاربعة الفجر يالة سد الاتصال اخوج يحب يحجي هواي
حنان/وانتي تلغين هواي وهاي طنجرة ولكت غطاهة
اوركيد/بالضبط ووراهة تابعت مسلسلي الي احبه لحد ما صارت الساعة ستة ونص نمت كعدت بالسبعة وربع على صياح اخوية يكلي كومي اجة عمو ابو احمد من الاستعجال لبست القميص بالمكلوب
حنان/شو راويني
اوركيد/شوفي ... ههههههه المهم اكو سترة تستر العيوب
حنان/شكد فاهييةة عود انتي كد مسؤلية زواج؟
اوركيد/لا
حنان/ثول
اوركيد/شكرا حياتي
حنان/العفو خية
اوركيد/للججج
حنان/شكو؟
اوركيد/لج عمر اجاني البارحة بليل يكلي اوركيد حلمت بيج طلعتي الأولى على الجامعة
حنان/الللله اولى وعلى الجامعة
اوركيد/هههه حتى اني كتله اي هسة اطلع الأولى بالفشل بسببك
حنان/اكيد يكلج بهذا صوته لاااا اوركيد لااا نجبيي
اوركيد/ايي ولج اي بالضبط يكلي لا اووركيد شايفة شكد ينرفزني من يكلي اووركيد
حنان/اووركيد ههههه
اوركيد/سمعي اليوم رح اروح لهاي ام محمد
حنان/يا ام محمد؟
اوركيد/شبيج هاي الي قبل سبوعين حجيتلج عنهة
حنان/يا هيي.. بسلا هاي الي بالفرع الي وراكم
اوركيد/بالضببطط
حنان/اي وشعدج يمهة؟
اوركيد/اخذ مراد... جا غير اريد تسويلنة خيرة اني وياج
حنان/ما اصدك بهيج اشياء
اوركيد/ليش
حنان/منو يكول ما تنصب علينة العلم وحده يم الله
اوركيد/على عيني وعلى راسي بس اني اريد اخذلج خيرة
حنان/وليش اني بالذات؟
اوركيد/مادري يا اختي هيج طاخة بدماغي
حنان/اذا خيرة بيهة شر الطمج على وجهج
اوركيد/ولا يمهج اني حاسة كلهة زينة
حنان/مثل من كلتي حاسة رح انجح واخر شي رسبت
اوركيد/هذيج غير شغلة هذيج صارت سهوا
حنان/سهوا مو؟
اوركيد/اي عمري
حنان/غبرة......ههههه محد صابر بالحياة غير عمو ابو احمد اللي يسمع سوالفنة التافهة
اوركيد/احس ربي يزود من حسناته لان متحملنة
حنان/هههههه اتتفق والله
