ماعرف شلون اوصف الشعور
ادية جانن باردات لدرجة صرت ما احس باصابيعي من شدة البرودة وصدري بركان كلبي يدك بسرعة رح يطلع من مكانه
حسيت كلشي بدة يضيع من ادية بكل ثانية دا تمر كدامي
ابو حيدر/وعليكم السلام ورحمة الله
لتفتت على مصدر الصوت هذا مو صوت احد اعرفه
صوت كلش قوي
ابتسامتي وصلت لاذاناتي من شفت عمي وبابا كاعدين سوية وماكو احد يمهم
حنان/ههههه عمييي
كام عمي من مكانه ماد ايده حتى يصافحني
من شدة الفرح الي بية رحت حضنت عمي
اييي رحت حضنته بكل غباء
بس مو مهم شكد الموقف يفشل المهم ابنه ما موجود
حسيت بعمي باس راسي
ابو حيدر/كبرانة بتي
حنان/الحمد لله على السلامة عمو
ابو حيدر/الله يسلمج حبيبتي شلونج
حنان/الحمد لله بخير
ابو حيدر/صايرة شابة مثقفة وانيقة
هذا عمي شلون يحجي بهاي الطريقة الفصحى ماشاء الله عائلة نازكة اكثر من المعتاد
حنان/اشكرك عمو
ابو حيدر/جنت منتظرج من الصبح
حنان/هاي شنو انتو هنا من الصبح؟
ابو حيدر/وداعتج جنت منتظرج من التعسة الصبح
حنان/بابا ليش ما كلتولي
ابو قحطان/خليتهة مفاجأة الج ههه
جرني عمو ويا وكعدتة على التخم ظل شوية يحجي ويا بابا وظل لازم ادية باديه
فجأة لتفت علية وضحك
ابو حيدر/تطين شبه لبيبتج ام ابوج الله يرحمهة
حنان/صدك؟
ابو حيدر/اي اني اذكر جان عدنة صورة لبيبيتج ببيتنة القديم تشبهيهة بنفس الابتسامة والطول ورسمة العيون
حنان/الحمد لله طلعت اشبه احد
ابو حيدر/احمدي ربج ما طلعتي تشبيهن ابوج
حنان/ههههه هو اني ماخذة منه الخشم
ابو حيدر/لا انتي مو مثل قحطان كلشي من وجه ابوج ماخذ منه شوية بس انتي تطين شبه لامي
كاعدة بصف عمي لازم ايدي واستحي اجر ايدي من ايده ظليت بس مبتسمة ومستحية من ابوية ومن عمي
بس ميتة سعادة لان ابنهم ماهو
ام قحطان/ماما حنان
حنان/ها امي
ام قحطان/ هذا تلفونج دا يدك
حنان/اي جاية...من رخصتكم
كمت بسرعة يمة ابوس الي اتصل علية وانقذني
ركضت للمطبخ اخذت جنطتي وصعدت فوك بسرعةة
ركض بس بهدوء المهم ابعد عن الرسميات
طلعت موبايلي من جنطتي وفتحت الاتصال
حنان/اوركيد تدرين بية احبج اكثر من اخوية؟
اوركيد/اترك اخوج علمودج ماعدي مشكلة عمري
حنان/اخ شكد احبج
اوركيد/شعجب صرتي حنونة علية فجاة
حنان/بعدين احجيلج
اوركيد/المهم سمعيني
حنان/اسمعج
اوركيد/روحي لاخوج وكليله يشيل الفولو من على هاي بت عمتي لا احرك الدنية
حنان/ماشي بعدين اكله هسة هو مو بالبيت
اوركيد/لاااا بالبيت هسة هو حاجاني
حنان/اي لعد ما تكليله انتي
اوركيد/سديت الاتصال لان نرفزني
حنان/مدا افهم
اوركيد/مطي افهمي
حنان/احجي تحفة
اوركيد/قبل دقيقتين جنت على اتصال باخوج وجنت دا اسأله ليش حاط متابعة لبت عمتي ويكلي هي تابعتني واني رديت المتابعة
حنان/والمطلوب مني شنو؟
اوركيد/ترحين تكليله اوركيد تكول شيل الفولو
حنان/واذا ما رضى؟
اوركيد/يرضى اكيد
حنان/استغفر الله ياربي اني بتليت بيكم
اوركيد/منو كلج تصيرين اخته
حنان/دنجبي
