انتهى شهر رمضان
وانتهت ايام الصيام الصعبة
واخيرا اجة العيد...
*4:22الفجر*
كاعدة بالمطبخ على الكرسي حاطة ماسك على وجهي ورافعة شعري ماعون الفواكه بايدي
حيدر : اليوم اول يوم عيد
حنان :ادري حبي
حيدر :ماطول تدرين لعد من حقي اطالب بعيدية
حنان حطت الكيوي بحلكه :وشنو تريد عيديتك؟
حيدر صفن بوجها شوية وعلى وجهه ابتسامة دافية يتمعن بشوفة عيونها المحببة لقلبه
حيدر :زين انتي شنو تردين عيدية؟
حنان حطت راسها على جتفه :اخطبني لان بابا بدا يشك
حيدر :خلصي ماعون الفاكهة وغسلي وجهج وروحي نامي
حنان :شنو بسلا ضجت ورايح تنام؟
حيدر :ماضجت يروحي بس تعبان
حنان :الله يساعدك يروحي ماخلص بيتكم؟
حيدر :مابقى شي يخلص العيد ونروح نعيش ببيتنا الجديد
حنان :واني؟! بعد ماشوفك من جديد؟!!
حيدر :بوية حنان كولي يالله لا تخليها تظلم بعيونج
حنان :يالله الف مرة بس حيدر حباب لا تعوفني من جديد
حيدر :انتي روحي بهاي الدنيا وشايفة اكو واحد يعوف روحه؟ مااعوفج ينظر عيني لا تخافين
حنان كامت من مكانها :يلا نترك النكد .. رح اصدمكم الصبح ههه
حيدر :بشنو؟
حنان حطت ايدها على جتفه :بمظهري
حيدر جبهته على جبهتها :لا تنسين وادي موجود ويانة
حنان :وانت؟
حيدر :انتي حلالي من هسة
حنان :ههههه حبيتها ..على طاري وادي شبي هالفترة ابد مو على بعضه كل الوقت ساكت البارحة على الفطور كلشي ما اكل وعيونه محومرة بي شي؟
حيدر :والله مادري شبي هو جان كلشي يكلي حتى لو على اتفه الأمور هالفترة معتزل يمكن لان متغير عليه الجو من تركيا للعراق فترة ويتعدل
حنان :كلهم هيج الا انت وعمي لو يكول عايشين بالعراق من سنين هههه
حيدر :تتذكرين اول لقاء بينا من غلستي علينا اني وابو التكسي ههههه
