صوت موبايلي
اعرف هاي النغمة
نغمة اتصال
فتحت عيوني رفعت راسي واني مو مستوعبة شي
حنان/اخخ الو
رندة/شصااارر؟
حنان/شنو شصار؟
رندة/الظهر سديتي الاتصال بوجهي بسرعة
حطيت ايدي على عيوني
حنان/ماكو شي بس امي صاحتلي
رندة/اااخ شكد ثولة عبالي صارلكم شي
حنان/ماكو شي
رندة/جنتي نايمة؟
حنان/ايي
رندة/اتوقع صار وقت الغروب
حنان/شكرا على المعلومة
رندة/ايي صح تذكرت قبل ما اسد الاتصال
حنان/شنو
رندة/احزري منو اجة للعراق
حنان/منو
رندة/احزريي
حنان/اليزابيث؟
رندة/سخيفة..... تتذكرين خالو مصطفى الي مسافر للخارج من زمااااانن؟
حنان/ما اتذكر شكله بس اعرف هو مسافر للخارج
رندة/اي بالضبط حتى اني ما اذكر شكله بس اعرف بي هو مسافر
حنان/اي شبي؟ اجة للعراق؟
رندة/هي السالفة اي و لا
حنان/ويعني؟
رندة/خالو مصطفى الي هو بنفس الوقت عمج
حنان/اممم
رندة/دز ابنه الجبير حيدر حتى يجي قبله للعراق
حنان/ويعني؟
احجي ويا رندة واني وجهي بنص المخدة تعبانة
رندة/تكول امي انو ابنه جاي يدورلهم على بيت حتى من يجي خالي يستقر بهذا البيت
حنان/وشبي عمي مضروب على راسه يجي يستقر بالعراق وعايف الخارج؟
رندة/نفس تفكيري والله بس يكولون الغربة صعبة ويخافون على بناتهم من الناس الي هناك
حنان/اني الي ادري بي هو عنده بنية وحدة
رندة/لا ولج عده بنات ثنين فاطمة ونجمة اخر العنقود نجمة
حنان/فاطمة ونجمة شلون رح يتأقلمن بالعيشة بالعراق
رندة/ماعرف والله...بس المهم العرفته من الاخير حيدر رح يجي يمكم اول شي لان بيتكم قريب على مطار بغداد وانتي تعرفين احنة من دون خلق الله ماعدنة بيت جد يجمعنا
حنان/هو حيدر شيصير من عدنة؟
رندة/من جهتي يصير ابن خالي ومن جهتكم يصير ابن عمكم
حنان/هلا بي
رندة/حنان
حنان/هااا
رندة/اذا رجعتي نمتي اجي ارفسج ببطنج واروح
حنان/لا اصلا كاعدة
رندة/جذابة كومي يلا تحظري رح ياذن
حنان/كاييمة
رندة/حناني اني رايحة امي دا تصيحلي اتصل بيج بعدين
حنان/ماشي خيتو
سديت الاتصال ورجعت غمضت عيوني
حيدر ابن عمو مصطفى
حنان/تعرفين بيت سعد ابو قحطان
فتحت عيوني واني مخروعة كمت من مكاني ركض
ما اجذب من كلت ركض فتحت باب الغرفة ونزلت من فوك بسرعة
كبل للمطبخ شفت ماما واكفة تطبخ
حنان/ماما منو الي اجانة اليوم؟
ام قحطان/مساء النور
حنان/مساء الخير اسفة
ام قحطان/ابن عمج اجانة انتي جنتي نايمة ماسلمتي عليه
حنان/هذا الطويل الي عنده لحية وشوارب وعيونه عسليات
ام قحطان/انتي وين شايفته؟
حنان/هو لو لا؟
ام قحطان/اي هو
حنان/عزا شكددد فشلةةةة
اجت ماما وكفت كدامي
حنان/تدرين شنو سويت من جفصة اليوم؟
ام قحطان/والله ما شفتج من الظهر لسة حتى اعرف شبيج مابيج
