اتمشى بالكلية واكلب بتلفوني على بين ما تجيني اوركيد
عمر/صباح الخير
حنان/صباح النور
عمر/شبيج؟
حنان/خرعتني
عمر/صارلي سنة امشي وراج واصيحلج حنان يحنان الكلية كلهة عرفت اسمج وانتي مدحكة بهل الموبايل متدرين العالم وين
حنان/والله ما سمعتك
عمر/ماكو مشكلة...شلونج بالامتحان
حنان/الدكتور سوا الامتحان Open book
عمر/بخت
حنان/هههه
عمر/احنة لزمنة اسئلة وجه وكفة
حنان/الله يعينكم
عمر/امي دا تتصل ثواني
حنان/اخذ راحتك
بعدت من يمه رجعت اكمل اللعبة مالتي مزرعتي السعيدة تحتاجني
سمعت صوت وحدة كاعدة تحتضر لتفتت للجهة اليمنة شفت اوركيد جاية تركض
اوركيد/صباح ال.. اااخخخ بطنيي
كعدت بالكاع رحت كعدت يمهة دمغتهة
اوركيد/وجعع ليش تضربيني
حنان/عبالي شو شنو صارلج
اوركيد/مو اذا اجيج واني اتمشى يخلص الوقت واني بعدني ما واصلتلج...اااخ ضلوعي عدج مي؟
حنان/لا ماعدي هسة اكوم اجيبلج
عمر/هاي شبيهة؟
حنان/اجت تركض من القسم مالتهة لهنا
اوركيد/هلا عمر
عمر/هلا...عدكم بطل مي؟
حنان/لا اني هسة رايحة اجيب
عمر/اني اروح اجيب انتو كعدوا بمكان بعيد عن الشمس
اوركيد بتعب/اتففققق حنان شيليني
حنان/نجبي وكومي شثكلاتج وين اكدر اشيلج
اوركيد/يوه نسيت اني دا احجي ويا حنان النفسية
حنان/نجبيي
اوركيد/انتي نجبي
كامت من مكانهة نفظت ملابسهة من الحشيش ورحنة كعدنة جوا المصقفات
اوركيد/اكلج
حنان/كولي
اوركيد/خلي اخوج يشترط على اهلي اني ما اكمل دراسة واني من يمي اوافق
حنان/ها؟
اوركيد/تعبت من الامتحان حبيبي
حنان/هههههه كبررر متدري اخوية معتمد عليهة
اوركيد/عشتوا اصلا معتمدة اني ومستقبلي عليه
حنان/شنو صار بالقسم يمج؟
اوركيد/طلعت ماخذة عشرة من أصل عشرين بالانكليزي متشوفيني اني مأيسة من حياتي
حنان/كتلج خلي قحطان يقريج انتي عاندتي
اوركيد/اذا الحباب عمر كلي اني اقريج وتاليتهة من قراني يكلي شوفي اوركيد هذا ما احسه داخل وهاي الورقة ما اظن يجيبلج منهة ويرجع يكلي اني ما ارتحت لهاي الورقة واني متأكد ما تجي وهاي هي انتي ماطول تعرفين تفرقين بين الB والD انتي توب بالانكليزي
حنان/وانتي يغبرة مشيتي على كلامه؟
اوركيد/مع كامل الأسف اي يا اختي
حنان/تستاهللييننن
اوركيد/عمر وينك وصيتك على بطل مي مو بير
حنان/يمكن دا يدور علينة...خطية جوة الشمس يفتر
اوركيد/اوويي خطية؟ هو هذا ما خطية؟ خلاني ماعرف شنو احل بالامتحان
حنان/انتي ما قريتي
اوركيد/اشوفج تدافعيله
حنان/احجي الحقيقة يم حلك
اوركيد/انتي ام حلك لا تدافعيله
حنان/ما دافعتله
اوركيد/اي شوكت الخطوبة حتى احضر
حنان/انتي الشمس والامتحانات سون عدج خلل بالدماغ
اوركيد/شوفي هو خوش ولد بس لا تخليه يقري جهالكم ترا يطلعون رسوب انتي درسيهم
حنان/نجبييييي
اوركيد/اووو شوف منو خجل وصار وجهه اصفر شو انتي حتى مو مثل البنات من تستحين وجهج ينكلب نعال
