احتجت ساعتين كاملة حتى استوعب انو نجمة وفاطمة رح يظلن ينامن بغرفتي وعلى فراشي لمدة مو معلومة لحد ما يجهز بيتهم
حنان/لعد واني؟
ام قحطان/ شنو انتي
حنان/اني وين انام؟
ام قحطان/بنفس مكانج
حنان/هي الجرباية مالتي شكدوتهة وهن اخذنهة اني وين انخمد؟
ام قحطان/نامي على الجودلية
حنان/وبس؟!
ام قحطان/اي بس لعد شنو تردين اسوي
حنان/مادري سوي اي شي اني انام بالكاع واني راعية الغرفة
ام قحطان/عيب امي هم خطارنة شلون تردينة نكلهم ناموا بالكاع واحنة ننام على الفراش
ردت احجي من جديد بس تذكرت هاي امي!
لو احجي منا لبعد مليار سنة رح تكلي عيب خطار
درت وجهي وطلعت لان اني حافظة امي اكثر من اي ثاني بالحياة
اول ما صعدت لغرفتي لكيت حيدر واكف يم باب غرفتي مجتف اديه وواكف يم الباب
حنان/رايد شي؟
حيدر/اي والله
حنان/شنو رايد؟
حيدر/اريد اسالج سؤال إذا أمكن
حنان/اها...لا مو ممكن
حيدر/وليش؟
حنان/الوقت متأخر مو وقت اسئلة
حيدر/ترة اني منتبه على طريقتج الناشفة وياية
حنان/وشنو اسويلك؟
حيدر/ليش هيج صرتي
حنان/والله بكيفي
اجة خطوة علية
حنان/لا تدنة احسن ما اصيح احد من اهلي
حيدر/ما جنتي هيج
حنان/مع كامل الأسف ما جنت هيج من البداية
حيدر/والله العظيم مدا افهم شبيج
حنان/مابية شي حتى تفهم شبية وهسة اذا امكن توخر من دربي
حيدر/....ماشي براحتج بعدين تجيلي وتحجيلي
حنان/باحلامك
بعد من كدامي وراح طبيت للغرفة بسرعة
يمة يمة ككككللللبييي رح يوكف من التوووتررر
ادية يرجفن وجسمي كله مثل قطعة الثلج
عيونه مقابل عيوني مباشرة على كثر ما قريب كدرت اشوف الشيبايات الي طالعات بشعره
رجع يحجي وياية بهاي نبرة الصوت الي تلعب على أعصابي بس مشاعر هسة مو مثل مشاعر قبل ومستحيل يأثر بية
وخرت الشال عن راسي خربطت شعري شفت هذني رجعن نامن
حنان بهمس/شكلنة رح نواجه ايام صعبة
اخذت كتبي وطلعت من الغرفة صعدت بالبيتونة من نمت قبل شكم ساعة فتحت الاضوية وكعدت اقرا
باجر عندي امتحانات واني كلشي ما قارية
وهي كعدة وحدة من الثنتين الصبح لحد ما سمعته يأذن اذان الفجر يالة خلصت كلشي
لملمت غراضي ونزلت
فرشت فراشي بالكاع
والله شو ما عدي نومة والاذان بعده دا ياذن
كمت توضيت ووكفت اصلي
هستوني خلصت صلاتي اجتني نومة تجنن عفت فراشي ونمت على السجادة
كعدت من سمعت صوت تلفون يدك
فتحت عيوني كووة لكيت موبايلي يصيح ويستريح
طفرتله بسرعة خطية البنات نايمات
فتحت الخط
حنان بتعب/الو
عمر/لو الزمج اموتج بين ادية احد يكلي ليش
حنان/ليش
عمر/وينج؟
حنان/شنو ويني؟
عمر/من البارحة واني اتصل عليج وما كلفتي على نفسج تردين علية او على رندة وتطمنينة
حنان/والله ملتهية اسفة
عمر/بس تجين للكلية اني عدي كلام وياج
حنان/بربك عمر لا تلزمني رزايل الي بية مكفيني
عمر/انتي بس تعاي للكلية
حطيت ايدي على عيوني فركتهن بتعب
حنان/عمر حيدر رجع
عمر/واذا... شنو
حنان/حيدر رجع للعراق
عمر/تحجين صدك لو تشاقين؟
حنان/وربي حيدر رجع وهو ببيتنة هسة
عمر/خرب هذا شوكت اجة؟
حنان/اسمع هسة اني دايخة من اجي للكلية احجيلك كلشي من البداية
عمر/ليش اكو بداية؟
حنان/اييي
عمر/استغفر الله ياربي ااففف ....سمعي حنان طيارة تعالي للكلية انتظرج
حنان/ماشيي والله كايمة ....باي
