مو كادرة اركز
حطيت ادية على راسي
حنان ركزي باجر عدج امتحان
حنان بتعب/حبيبته عايشة بالعراق.....اااخ يراسييي اني شعلية بيهم؟
لزمت القلم من جديد
هستوني بديت اقرا لكيت نفسي صافنة على وحدة من زوايا الغرفة
حنان/احس حبيبته حبابة وهادئة وتدرس طب او صيدلة وشعرهة قصير ولطيفة
كمت من مكاني ورحت كدام المراية
حنان/مو مثلي كلشي بية موحلو
رجعت لمكاني واني ضايجة
هو اني ليش ضايجة ماعرف؟
حطيت ادية على عيوني فركتهن بتعب
حنان/اكول حنان كومي نخمدي احسن من هيج افكار ما تجيبلنة راتب بالمستقبل
...... الصبح ......
اول ما نزلت من فوك لكيته كاعد قبلي
حنان بتعب/صباح الخير
حيدر/صباح النور
حنان/وين ماما؟
حيدر/والله ماعرف
حطيت الجنطة بالكاع ورحت لغرفة بابا وماما
فتحت الباب هدوء شفت ماما نايمة خطية مو مال اكعدهة من النوم
سديت الباب ورجعت للمطبخ
حنان/شنو تريد تتريك
حيدر/بس جاي
حنان/وبعد؟
حيدر/حنان...بس جاي بوية
حنان ركزي على اعصابج ولا تخلين كلامه يخربطج
ولا تباوعين بعيونه ولا ابتسامته
وكفت كدام القوري مال الجاي
شلون اسوي جاي؟
حيدر/ها بشري؟
لتفتت لكيته واكف بصفي بعدت من يمه بسرعة
حنان بخجل/ماعرف اسوي جاي
حيدر/عرفت من صفنتج على القوري
حنان/اسفة
حيدر/ليش تتاسفين...تعالي وياية
جرني من ايدي سحب الكرسي مال ميز الطعام وخلاني اكعد
جابلي جنطتي
حيدر/راجعي الدروس مالتج بين ما اسوي الريوك
حنان بصدمة/انت تسوي ريوك؟
حيدر/اعرف مو باين على شكلي بس اني اعرف اطبخ
حنان/هااا؟؟
حيدر/هههه اتشاقة اعرف اسوي بيض وجاي
حنان/اي هسة هذا الباين عليك
شفته يضحك اجة حط ايده على راسي فوك الشال وراح يسوي جاي
واختكم الخفيفة كوة اللم بحلكي وماكدر اضم ابتسامتي ضميت راسي بكتابي
حيدر/يلة عيفي الكتاب واكلي رح يجي ابو الخط
البيضة شكلهة مو حلووو بس الجاي ريحته طيبة
حنان/حاطله هيل؟
حيدر/اي بسلا ما تحبي؟
..اي ما احبببه طعمه ما اتجرعه..
حنان/لا بالعكس ريحته كلش طيبة شكرا تعبتك
حيدر/لا يابوية وين التعب يلة اكلي
بديت اكل البيضة صح شكلهة ما يساعد بس الطعم تحفة الجاي طيب بس الهيل مخرب شوية من الطعم
شفته ياكل وعينه على الساعة
حنان/مستعجل؟
حيدر/اريد اروح لبيت خالتي امر عليهم امي كرعت راسي علمودهم
حنان/وين صاير بيت خالتك
