○٢:١٢ص○
حنان بهمس:واني شعلية؟
اوركيد:تاكلين لوري تبن شنو شعليج
حنان:اكلج انتي خاطبتني الية؟ لو اخوية؟
اوركيد:اخوج بس شنو هذا السؤال؟!
حنان:انتي كلتيها خطيبج هو اخوية مو اني مشاكلكم حلوها وحدكم لتدخلوني بيها ماشي؟ اني اللي بية مكفيني انتي تغارين عليه وهو ماكو اعند منه اني شكو حاطيني بالنص؟ روحي تمالخي ويا يحلوة اما هسة اني عدي دراسة ما اخلص الا من يطلع الصبح
اوركيد:يمة يمة اللساانن وين حنان الي بالسادس ميطلع نفسج الله يرحم ايام من اكلج هلو يصير لونج احمر هسة مسويتلي بيها مغنية راب
حنان:اوركيد
اوركيد:اقبل اعتذارج بسرعة قبل ما اغير قراري
حنان بقلة صبر:هستوني فتت من يم غرفة قحطان وسمعته ديسولف ويضحك بصوت ناعم شوفي ويامن ديحجي لحكي عليه خية
اوركيد:حلفي؟ حنان..دتكولين هيج شي حتى تنصبين علية؟
حنان:لااا وين انصب عليج؟ بس اني دا اكلج اللي سمعته وبقت بكيفج
اوركيد:اصبرللي يقحطان اصبرلللليي انيي الك
حنان:قحطان اوركيد الك اي عفية لتسكتيله شنو اريد اكعد الصبح الكاه بايع تلفونه
اوركيد:لتدفعيني عليه بالزايد
حنان:لا لااا منو يدفعج بس دا اكلج هذا الشي من حقج حبيبتي دافعي عن حقج...اي عفية لتستلمين روحي خلي يتسحر على خوش عركة هه ككح..اي والله حقج اي اخوية مو خوش صاير ... حقج علينا...دروحي عاد لتلزكين...ديلا ولي...نجبي ولي...بايي
"سديت الخط مشيت للكرسي سحبته واني لازمة روحي ما اضحك فتحت الحاسبة ما كدرت اضم ضحكتي اكثر ضحكت بصمت الى ان طلعت دموعي
والله محد قاهرني بهاي الدنية غير اخوية ... هههههه"
"ربع ساعة مرت وهنا أدركت انو اني صدك محصورة حصرة الجلاب مو بس جلب واحد منين ابدي؟ وشنو اسوي ماعرف ظليت صافنة عدي امتحانين وكلهن صعبات نفس الحصرة مال ليلة البارحة"
"الله حنان دشوفي الناس كلها نايمة وبعد شوية رح يكعدون يتسحرون ويرجعون ينامون وانتي مثل البومة كاعدة تقرين وحدج بهاي الظلمة شنو الي جابرج تنحصرين هاي الحصرة بهاي الساعة؟ ليش متسدين الكتب وتروحين تنامين وباجر الله يدبرها"
حنان بهمس:اي والله اني كلش تعبانة
حيدر:ااحم
"لتفتت للورا لكيت واكف وراية يم باب المطبخ مجتف اديه ويباوعلي وهو رافع حاجبه اخذت نفس قوي... هذا شجابه ابد مو وقته حتى شال ماحاطة على صماخي"
حيدر:مو كلنا الكعدة وحدنا بالظلمة مو زينة؟
حنان:خرافات لتصدكهن
حيدر:حتى لو خرافات ميصير تكعدين وحدج وتقرين هنا
حنان:ما أكدر اركز الة هنا
حيدر:روحي اقري بالصالة افتحي الاضوية على راحتج على الاقل تكدرين تشوفين دربج
حنان:بس اني هنا كاعدة اشوف طبيعي
حيدر:رح تعمين
حنان:لا ما اعمى شكرا للنصائح
